کشمیری الس دھاندلی نا گواچی گچین کاری تے منپک، مولانا فضل الرحمن

جمعیت علماء اسلام نا سروک مولانا فضل الرحمن کشمیری الس آ سم کاری و بیدادی نا سخت مذمت ءِ کرسا باندات ءِ ہیت و گپ و مذاکرات نا کمک اٹ ایسر کننگ آ زور شاغانے و پارینے کہ کشمیری الس دھاندلی نا گواچی گچین کاری آتے مسترد کرینے۔ حق خواہوک آتے ہراتم اسکان درملکی ایجنٹ گوندنگک۔ جے یو آئی میڈیا سیل آن جاری بیان نا رِد اٹ مولانا پارے کہ واک انا نشہ ٹی مدہوش تپہ نا تینا بیوس الس آ سم کاری پاش آن پاش دہشت گردی اسے۔ او پارے کہ اینو کشمیر کاز ءِ دفن کننگ انگ ءِ‘ حکومتی پالیسی تا برخلاف برانز الس نا آئینی حق ءِ‘ او پارے کہ انت الس ءِ تینا حق آتیکن توار چست کننگ نا ہم موکل اف؟ مولانا فضل الرحمان پارے کہ نن کوشست کرین کہ باندات داڑ اسکان سر مف ولے ریاستی ادارہ غاک باندات ءِ سنجیدہ ہلتوس۔