پاکستان و قطر نا سیکورٹی نا بابت بشخ آتیٹی کمکاری ءِ ودفنگ آ امنا
Get real time updates directly on you device, subscribe now.
وزیر داخلہ محسن نقوی تینا دورہِقطر نا وخت آ قطری ہم منصب و داخلی سلامتی فورس (لخویا) نا کمانڈر شیخ خلیفہ بن حمد بن خلیفہ آل ثانی تون اہم ءُ اوڑدہی اس کرے، ہراٹی سیکورٹی تون اوار تین پہ تینی استخواہی تا جتا جتا باندات آتیا گپ وتران کننگا۔ اوڑدہی ٹی ہڑتوم آ وزیرداخلہ غاک سیکورٹی تون تعلقدار بشخ آتیٹی ہڑتوم آ کنڈ انا کمک، شرایدری و ادارہ ئی حوال آتے پین سوگو کننگ آ امنا کریر۔ دا وخت آ ہڑتوم آ ملک آتا وزارت داخلہ نا نیام اٹی کمک ءِ پین سوگو کننگ نا ارادہ نا ہم دوارگی کننگا۔ ہڑتوم آ سرکڑدہ غاک ڈیہہ انا ساڑی حالیت، امن و سوگوی و ہندی سلامتی تون تعلقدار باندات آ ہم گپ وتران کریر۔اوڑدہی ٹی فیصلہ کننگا کہ تہہ انا سیکورٹی نا بشخ اٹی تین پہ تینی کمک وشریداری ءِ پین شون تننگک۔