بلوچستان ہائیکورٹ، وزیراعلیٰ بلوچستان نا خصوصی فنڈ آتیا اسٹے آرڈر جاری

کوئٹہ( آن لائن )بلوچستان ہائی کورٹ نا چیف جسٹس جناب جسٹس جمال خان مندوخیل و جسٹس جناب جسٹس نذیر احمد لانگو اس تا بینچ صوبائی پی ایس ڈی پی 2020-21 نا شونداری ڈٹ آتیا عملدرآمد ءِ تورسا وزیراعلیٰ بلوچستان نا خصوصی فنڈ آتیا اسٹے آرڈر جاری کرے و ریمارکس تس کہ پُوسکن آ اسکیم تا بابت اٹ عدالتی پرمان تا خلاف ورزی آ ہمو انجینئر و ایلوفتا برخلاف کارروائی کننگے۔ عدالت عالیہ دا پرمان ءِ متحدہ اپوزیشن نا کنڈآن صوبائی پی ایس ڈی پی 2020-21 ءنا بابت دائر آئینی درخواست نا سماعت نا وخت آ کرے۔ سماعت نا وخت آ درخواست تروک ملک سکندر ایڈووکیٹ، ساجد ترین ایڈووکیٹ، منیر احمدکاکڑ ایڈووکیٹ، نصیب اللہ ترین ایڈووکیٹ ،ملک منیراحمد کاکڑایڈووکیٹ ،ایڈووکیٹ جنرل بلوچستان ارباب طاہر ایڈووکیٹ و اپوزیشن باسک آتیان ملک نصیر شاہوانی، اخترحسین لانگو ،احمد نواز بلوچ، نصر اللہ زیرے،عبدالواحد صدیقی،یونس عزیز زہری، ٹائٹس جانسن ،صوبائی سیکرٹری خزانہ ، کانود و وزیراعلیٰ انسپیکشن ٹیم نا چیئرمین سجاد احمد بھٹہ و ایلوفک عدالت تون مون مقابل پیش مسر۔ سماعت بنا مس تو چیئرمین وزیراعلیٰ انسپکشن ٹیم سجاد احمد بھٹہ عدالت ءِ پارے کہ گیشتری ڈٹ آتا پی سی ون اف ہراڑا عدالت سجاد احمد بھٹہ ءِ پارت کرے کہ او کل پی ایس ڈی پی ٹی اوار انگا اسکیم تا جاچ ءِ ہلے کہ گڑاس اسکیم تو پلاننگ کمیشن آف پاکستان نا گائیڈ لائن و سپریم کوٹ آف پاکستان ،بلوچستان ہائی کورٹ نا پرمان تا برخلاف تو افس، جاچ ءِ ہلنگ آن پد رپورٹ ءِ عدالت اٹ پیش کننگے۔