بابراعظم نا کلاس اسے‘ ای خواوہ او لیجنڈری بیٹسمین اس جوڑ مرے‘یونس خان

 ڈربی (مانیٹرنگ ڈیسک) پاکستان کرکٹ ٹیم نا بیٹنگ کوچ یونس خان پارینے کہ انٹراسکواڈ میچ آتیٹی وخت اس کہ باؤلر و وخت اس بیٹسمین آک جوان مریرہ، بابر اعظم نا کلاس اسے، ای خواوہ کہ او لیجنڈری بیٹسمین اس جوڑ مرے۔ ویڈیو لنک پریس کانفرنس اٹی 42 سال نا یونس خان پارینے کہ ڈربی ٹی کل آسراتیک دوئی ءُُ، اسہ جوان ءُُ چاگڑد اس ننے رسینگانے۔ یونس خان پارینے کہ اونا جارحانہ وڑ اسہ گوازی گر اسے نا وڑ اٹ ئس ولے داسہ بھاز آ گڑاتے ہیل کرینٹ۔ مسکوہی کیپٹن پارینے کہ او باولنگ کوچ وقار یونس آن جادو نا لَٹ ءِ ہلنگ نا کوشست ءِ کیک تانکہ بیٹسمین آتے زوت اس ہیل ترفو۔ او پارینے کہ بابراعظم تون اوار ہر گوازی گر ءِ اسہ کچ وخت تننگ نا کوشست کیوہ، کنا کوشست ءِ کہ بابراعظم تینا سرسہبی و پرفارمنس ءِ اسہ گام اس پین مونی دے، 100 آن پد 150 و 200 جوڑ کے۔ ویرات کوہلی تون اوار شاغنگ سہی اف، اسہ ودوک ءُُ پریشر اس تمک، باب وولمرہر گوازی گر ءِ جتا جتا ڈیل کریکہ۔ یونس خان مستی پارینے کہ ای خواوہ بابراعظم لیجنڈ اس جوڑ مرے۔ ای دانا کس اسے نا وڑ پاننگ نا حق اٹی افٹ، وقار یونس آن جادو نا لٹ ءِ ہلنگ نا کوشست کیوہ تانکہ بیٹسمین آتے زوت اس ہیل ایتو۔ یونس خان پارینے کہ ووسٹر اٹ بیٹنگ کن جوان ءُُ کنڈیشن ئس، ڈربی ٹی ارٹمیکو میچ اٹ فاسٹ باولر آک جوان مسر، بیٹنگ کوچ یونس خان پارینے کہ انٹراسکواڈ میچ آتیٹی اسہ ایلو نا نزوری تا سما تمک، بیٹسمین آتا فلاپ مننگ فریشانی نا ہیت اس اف۔