ایف بی آر کرکٹرمحمد حفیظ آ 2 کروڑ 60 لکھ روپئی نا ٹیکس خلس
Get real time updates directly on you device, subscribe now.
لاہور (مانیٹرنگ ڈیسک) فیڈرل بورڈ آف ریونیو (ایف بی آر) کرکٹر محمد حفیظ آ 2 کروڑ 60 لکھ روپئی نا ٹیکس خلک۔ حوال نا رداٹ ایف بی آر کمامدار آک پارینو کہ کرکٹر محمد حفیظ نا انکم ٹیکس 2014ء نا ءِ آڈٹ کننگا، آڈٹ نا رداٹ محمد حفیظ 2014ء ٹی 8 کروڑ 60 لکھ روپئی ڈکھانے۔ حوال نا رداٹ 39 سال نا محمدحفیظ ءِ 8 کروڑ 60 لکھ ڈکھنگ نا بابت وضاحت تننگ کن کیہی وار مہلت تننگا، مسکوہی ٹیسٹ کرکٹر محمد حفیظ نا کنڈآن جوان ءُُ ورندی رسینگ پننگ آ ٹیکس خلنگا۔ حوال نا رداٹ کرکٹر محمد حفیظ ٹیکس تننگ نا جاگہ غا اپیل اٹ ہنا، محمدحفیظ نا اپیل نا فیصلہ آن پد ریکوری کننگک۔ فیڈرل بورڈ آف ریونیو نا کنڈآن کرکٹر محمدحفیظ آ 2 کروڑ 60 لکھ روپئی نا ٹیکس خلنگانے داکان مست دسمبر 2019ء اٹ کرکٹر محمد حفیظ فیڈرل بورڈ آف ریونیو (ایف بی آر) نا نوٹس نا ورندی ءِ جمع کرفیسُس، ہراٹی او پارینے کہ او اسہ ریگولر ءُُ ٹیکس فائلر اسے، اودے بے بنداو آ نوٹس راہی کننگا۔