المھیمن جل جلالہٗ

کل انا نگہبانی کروک آ، عالم دینک دا اسم مبارک نا ترجمہ و تشریح ٹی مسہ وڑ انا سِفت بیان کرینو۔

.iالمھیمن جل جلالہٗ ہمو ذات ءِ پارہ ہراٹی اِرا سِفت نا اواری مرے، اولیکو سِفت ہر گڑا نا بارو اٹ پورو پورو علم مرے تے، ارٹمیکو سِفت ہر گڑا نا کل ءِ فائدہ غاتے دوئی کننگ نا پورو پورو قدرت مرے تے۔ پاش ءُ ہیت اسے کہ دا ہڑدوسر آ سِفت آک بیرہ اللہ تعالیٰ ناءُ تو ”المھیمن جل جلالہٗ “ہم بیرہ اللہ نا پن ءِ۔

.iiالمھیمن جل جلالہٗ ہمو ذات ہرا کل ءِ ڈکوک آ کاریم تون اوار اوار است آتیٹ ڈکوک آ ہیت آتیان ہم باخبر مرے۔ یعنی ہمو حاضر و باخبر آ ذات ہراڑان اسہ چنکو گڑاس ہم پوشیدہ و اودیم مف۔

.iiiمرقات نا مصنف”المھیمن جل جلالہٗ“ نا سِفت ءِ تینا کتاب اٹ دا وڑ نوشتہ کرینے کہ ”کل مخلوق نا کاریم تا، اوفتا رزق انا، اوفتا عمر انا، اخلاق نا نگہبانی کروک آ ءِ ”المھیمن جل جلالہٗ“ پارہ۔

از:ابن الحسن ابابکی

ہفتئی تلار

تاک: 28

18 July 2020

پنہ: 01