فیفا ورلڈ کپ راؤنڈ آف 32 نا گوک اینو آن بنا کیرہ

امریکہ اٹی برجا فیفا ورلڈ کپ 2026 نا گروپ ریسہ پورو مننگ آن پد ٹورنامنٹ داسہ فیصلہ کروک ناک آؤٹ ریسہ اٹی پترینگانے، ہراڑے راؤنڈ آف 32 نا بھلا گوتا بنا اینو آن مریک۔ فٹ بال نا دا بھلا جہانی دود اٹی گروپ ریسہ نا ایسر آ 32 ٹیم بروک آ ریسہ کن کوالیفائی کرینو، وخت اس کہ 16 ٹیم انا ورلڈ کپ نا سفر ایسر مسنے۔ ناک آؤٹ ریسہ اٹی ہر میچ انا حیثیت بھاز اہم مریک۔ سرسہب مروک ٹیمک راؤنڈ آف 16 اٹی کارہ‘ وخت اس کہ با تروک ٹیم آک ٹورنامنٹ آن پیشن مریرہ۔ راؤنڈ آف 32 نا بنائی گو سویلی افریقہ و کینیڈا نا نیام اٹی مریک، ہرا پاکستانی وخت نا رداٹ یک شنبے و دوشنبے نا نیامی نن 12 بجہ بنا کرے۔ ایلو اہم آ گو تے ٹی برازیل و جاپان دوشنبے نا نن 10 بجہ غامون پہ مون مریرہ، وخت اس کہ جرمنی و پیراگوئے نا نیام اٹی گو سہ شنبے 30 جون نا نن نا یک ونیم بجہ غا مریک۔ ہندا دے سہب انا 6 بجہ غا نیدر لینڈز و مراکش نا ٹیم تا ہم اسہ ایلو تون میچ مریک۔