ملک اِلوک آتے پدی بٹنگ انگتو تو ویزا غا رکھ خلینہ، یورپی یونین

یورپی کمیشن نا سروک ارسلا وان ڈیر لیین نا یورپی یونین نا باسک ملک آتا راہشون تیا چٹھی رادہ

0

Get real time updates directly on you device, subscribe now.

برسلز:  یورپی یونین پاکستان تون اوار پین کیہی ملک آتے غیرکانودی وڑ اٹ رہینگوک آتے پدی خواہفپننگ آ ویزا خلنگ نا دھڑکو تس‘ حوال نا رد اٹ یورپی کمیشن نا سروک ارسلا وان ڈیر لیین نا کنڈآن یورپی یونین نا باسک ملک آتا راہشون تیا چٹھی نوشتہ کننگانے کہ ہراٹی پاکستان، بنگلہ دیش، مصر، مراکش و پین کیہی ملک آتا غیرکانودی رہینگوک بندغ آتا ذکر ہم کننگانے‘ چٹھی ٹی پاننگانے کہ یورپی یونین ڈیہہ انا رکھوک ملک آتا لڑ ءِ تیار کے و بحیرہ روم و دیکی بلقان نا ہمو کسر تیا سیمی چاروکی ءِ سخت کے ہرافتے غیرکانودی وڑ اٹ یورپ آبروک آک کاریم اٹ اتیرہ۔ یورپی یونین پاکستان، بنگلہ دیش، مصر، مراکش، تیونس و نائیجیریا کون آ ملک آتتون غیرکانودی یورپ آبروک آتا بابت معاہدہ کننگ نا ڈٹ جوڑ کرینے تاکہ پدی ہننگ نا عمل ءِ جوان کننگ مرے۔ یورپی کمیشن نا دا چٹھی یورپی یونین نا 9 و 10 فروری نا سروکی دیوان آن مست راہی کننگانے ہراٹی غیرکانودی وڑ اٹ رہینگوک آتا ویل آ ہیت کننگک۔ یورپی یونین نا باسک ملک آک ہندا سال انا اولیکو ششماہی ٹی اسہ پائلٹ اسکیم اسے آ دستخط کیرہ تاکہ اسکریننگ و سیاسی باہوٹ مننگ نا وڑو ڈول ءِ ترند کننگ مرے و ہرافک دا بابت پورو بفسہ اوفتا پدی راہی کننگ ءِ پک کننگ مرے۔ ایلو کنڈآ یورپی یونین نا پترینگ ناامور تا کمشنر یلوا جوہانسن پارینے کہ تدوک آسال 10 لکھ نا کچ سیاسی باہوٹ نا درخواست رسینگ انگ آن کیہی یورپی ملک آتیا بھاز باریم ارے۔

(آن لائن)

Get real time updates directly on you device, subscribe now.

Leave A Reply

Your email address will not be published.