بلوچستان ہست ءُ صوبہ اسے، محرومی تے چٹفنگ اُن،وزیر عظم

گوادر: وزیر اعظم شہباز شریف پارینے کہ مالو نا حکومت بیرہ بیدہ و کٹ آتیا زور شاغاسس۔ گوادر نا برآمدی زون نا جوڑی ٹی بھاز ڈیوالئی نشان تس۔ ننا حکومت ہنگامی بنداو آ بندرگاہ نا سفائی نا پروگرام ءِ بنا کرے۔ ننا دور اٹ 6 لکھ ٹن کارگو گوادر بندرگاہ آن بسر۔ اینو گوادر نا کل شاری تے بجلی نا فراوانی برجا ءِ۔ 3 ہزار مچھی ہلوک آتیکن 82 کروڑ نا ڈٹ اس بنا کرینے۔ بلوچستان نا محرومی تے پورو کننگ انگ ءِ۔ بلوچستان معدنیات آن پُر ءِ۔ ہرادے نن اسہ کنڈ کرین۔ ورنا تا اصل سلہہ تعلیم و ٹریننگ ءِ۔ نن ارب آ روپئی تا خرچہ ٹی ورنا تا تعلیم و ٹریننگ نا پروگرام ءِ بنا کرینے۔ بنجائی وزیر تتون اوار پریس کانفرنس کرسا وزیر اعظم شہباز شریف پارینے کہ دنیا ٹی بندرگاہ تا سفائی کن ڈٹ جوڑ کننگک۔ مالو گوادر بندرگاہ نا سفائی نا ہچ ءُ ڈٹ اس جوڑ کننگتو۔

(آن لائن)