حب ڈیم 339 فٹ آن گدرینگا، اسپل وے آن دیر پیش تمنگ نا بنا
Get real time updates directly on you device, subscribe now.
حب: حب ڈیم 339 فٹ گدرینگ انگ آن پد اسپلوے آن ودوک آ دیر تا پیش تمننگ بنا مسنے۔ حوال نا رداٹ پروجیکٹ ڈائریکٹر حب ڈیم عبدالرحمن شیخ ننا نمائندہ تون ہیت وگپ کرسا پارینے حب و اونا ہیب کیب نا علاقہ غاتیٹی مروک آ پر تیان ریلوے نا پترینگ انگ آن پد حب ڈیم 339 فٹ پر مننگ آن پد اسپلوے آن ودوک آ دیر انا پیش تمننگ بنا مسنے دا وخت آ حب ڈیم آن 49000 کیوسک فٹ اسپلوے آن ودوک آ دیر پیش تمننگ اٹی ءِ۔ حب ڈیم انا اسپلوے آن پیش تموک آ ودوک آ دیر حب انا جل آن گدرینگسا سور دیر اٹ کاہک۔ حب ڈیم اٹ دیر انا بننگ جوان ءُ ہیت اسے حب و کراچی اُلس کن 3 سال اسکان دیر تے مچ کننگانے۔ ہراڑان کشت و کشار تون اوار زند انا گرج آتیکن المی ءِ ہراتم ڈیم1981 آن ہلیس دا وخت اسکان 10 وار پُر مسنے۔ حب ڈیم ہراٹی687000 ایکڑ فٹ دیر انا مچ کننگ نا گنجائشت ساڑی ءِ۔ وخت اس کہ حب ڈپٹی کمشنر زاہد خان ننا نمائندہ تون ہیت کرسا پارینے کہ حب ڈیم اسپلوے آن پیش تموک آ دیر آن پد پامی گام گیج آتے تینا کرسا الحمداللہ ضلعی انتظامیہ الرٹ ءِ۔
(آن لائن)