حکومت ساڑی حالیت آتیٹی کل بشخ آتے ریلیف تننگ کن گام گیج کننگ اٹی ءِ‘ ضیاء لانگو

کوئٹہ (خ ن) صوبائی وزیر داخلہ میر ضیاء اللہ لانگو پارینے کہ صوبائی حکومت ساڑی حالیت آتیٹی کل بشخ آتے زیات آن زیات ریلیف تننگ کن جوان گام گیج کننگ اٹی ءِ، پوسکن آ مالی سال نا صوبائی بجٹ اٹ فورس آتا قربانی تیکن دا بشخ اکن پیسہ جتا  کننگانے۔ ساڑی حکومت سیکیورٹی فورس آتا قربانی تے قدر انا نگاہ ٹی ہُرک۔ داٹی ہچ ءُُ شک اس اف کہ صوبہ نا صوبہ نا حالیت و جغرافیائی کچ و ڈیہہ انا حالیت آتا رداٹ  سیکیورٹی ءِ بھاز اہمیت تننگک۔ دا خیال آتا درشانی ءِ او تینا اسہ بیان اسے ٹی کرے، او پارینے کہ تدوک آ اِرا دہائی آن ننا کانود نافذ کروک آ ادارہ غاک صوبہ نا اُلس نا رکھ و ملکی رکھ اکن بے کچ قربانی تسنو۔ ساڑی حالیت آتا رداٹ حکومت صوبہ ٹی امن و ایمنی نا بحالی کن ہر وڑ نا گام گیج کننگ اٹی ءِ۔ اپوزیشن نا سنگت آک منہ سٹی ءُُ واقعہ غاتا پد اٹ حکومتی گام گیج آتیا تنقید کیرہ۔ او پارینے کہ شونداری خرچہ غاتیٹی کانو نافذ کروک آ ادارہ غاتیٹی محکمہ پولیس ءِ 94 کروڑ 68 لکھ 64 ہزار محکمہ لیویز ءِ 21کروڑ 78 لکھ 42 ہزار جیل خانہ جات ءِ 33کروڑ تننگ انگ ءِ۔ او پارینے کہ دا سخت انگا کل ویل آتے مون آ تخسا اسہ جوان ءُُ بجٹ اس پیش کرینن۔ ہرانا مثال مالو نا حکومت آتیٹی ملپک۔ وخت اس کہ شونداری نا دا سفر برجا سلک۔ پوسکن آ مالی سال اٹ مجوزہ ڈٹ انا جوان ءُُ نتیجہ مون آ بریرہ۔