چین دنیانا وت جوڑ مسنے، دیکی آن دے ٹک آ گدرینگ انگ ءِ، مشاہد حسین سید

اسلام آباد: سینیٹ نا دفاعی کمیٹی نا چیئرمین سینیٹر مشاہد حسین سید پاریکہ چین دنیا نا مرکز جوڑ مسنے انتئے کہ اقتصادی و سیاسی توازن دیکی آن دے ٹک نا کنڈآ منتقل مننگ ءِ و بیجنگ نا ہم گرنچی و جیت انا کمکاری نا وژن شونداری و شونہالی نا نشانی ءِ۔ داخیال آتا درشانی ءِ او سے شنبے نادے آ بیجنگ اٹی اڈ ہلوک آ ارٹ میکو ”انٹرنیشنل فورم آن ڈیموکریسی“ اسیجائی انسانی قدر“ آن تران کرسا کرے۔ اوچینی صدر شی جن پنگ نا ساڑی آ بیان نا حوالہ ءِ ترسا پارے کہ دنیا ”صدی ٹی اسہ وار“ بدلی آن گدرینگ انگ ءِ انتئے کہ دیکی نا 300 سالہ بالادستی چٹنگ اٹی ءِ۔ سینیٹ نا دفاعی کمیٹی نا چیئرمین مشاہد حسین سید پارے کہ چین نا کنڈآن الس آ تالان شونداری نا فلسفہ و جیت اٹی کمکاری نا کسر آ زور تننگ آن نئے بیرہ بھاز انگا پدتموک ملک آتے اوفتا جدید کاری نا دوئی کننگ کن پوسکن آ ایسر و نہادی آزموندہ ملک بلکن داڑان امن وسوگوی ٹی ہم کمک رسینگک۔ اوداڑے تعمیر نا تصور نا 10 می سال دے انا وخت آ جہانی فورم نا وخت آ گلوبل ٹائمز ءِ پارے، دا بدل مروک آ جہانی نظام اٹی، چین جھیڑہ و تصادم نا مقابلہ رابطہ و کمکاری نا گچین پیش کننگ ءِ۔ جدیدیت نا چینی کسر و اسیجائی آخبت تون جہانی برادری نا آئیڈیل آ چکار کروک آ فورم 14 ملک آتا کم وود 100 سیاست دان، اسکالرو چندی بشخ آتا چاہندار آتا نیام اٹ اسہ جاندار شرہ اسے ودی کرے۔

(اے پی پی)