ڈیرہ مراد جمالی‘ انتظامیہ نا لاک ڈاؤن اٹ یلہ انگا دکان تا برخلاف کارروائی‘ کیہی دکانک سیل ت
Get real time updates directly on you device, subscribe now.
مبو(آن لائن)ڈیرہ مرادجمالی ٹی ضلعی انتظامیہ نا کوروناوائرس نا سوب آن لاک ڈاون اٹ یلہ انگا دکان تا برخلاف سخت کارروائی‘ کیہی دکان تے سیل کننگا، وخت اس کہ کیہی دکاندار تے ہزار آ روپئی نا ڈنڈ ہم کننگا۔ حوال نا رداٹ تدوک آ دے صوبائی حکومت نا مکمل لاک ڈاون نا پڑو آ ڈیرہ مرادجمالی ٹی کیہی دکاندارک خلاف ورزی کرسا تینا دکان تے ملار ہرافتا برخلاف ڈپٹی کمشنر نصیرآباد حافظ محمدقاسم کاکڑ نا خاص ءُُ پارت اسے آ اسسٹنٹ کمشنر ڈیرہ مرادجمالی غلام حسین بھنگر و تحصیلدار بہادرخان کھوسہ کاروائی کرسا شار انا تہٹی کیہی دکان تے سیل کننگ تون اوار اوار ہزار آ روپئی نا ڈنڈ ہم کرے۔ او وخت آ اسسٹنٹ کمشنر ڈیرہ مرادجمالی غلام حسین بھنگر پارینے کہ کوروناوائرس اسہ دَین اسے۔ ہراڑکن ننے کل ءِ رکھوک گام گیج آتیا عملدرآمد کروئی تمک۔ صوبائی حکومت نا کنڈآن جاری کروک آ ایس او پیز آتیا عملدآمد کپروک آتا برخلاف کارروائی ءِ بنا کننگانے۔ ماسک بینپروک آ و لاک ڈاون نا خلاف ورزی کروک آتے ہزار آ روپئی نا ڈنڈ ہم کننگانے۔