کوہلو‘ حکومت نا کنڈآن کورونا کن تروک آ 20 لکھ روپئی وڈی خوری نا گواچی مسر‘ چاکر مری

وہلو(آن لائن)میر چاکر خان مری تینا بیان اسے ٹی پارینے کہ بلوچستان نا ضلع کوہلو ٹی کروناوائرس کن صوبائی حکومت نا کنڈآن سول ہسپتال کوہلو ءِ تروک آ 20  لکھ روپئی وڈی خوری نا گواچی مسر‘ حوال نا رداٹ ضلع کوہلو آن تعلق تخوک آ میر چاکر خان مری تینا بیان اسے ٹی پارینے کہ حکومت بلوچستان نا کنڈآن ضلع کوہلو ٹی کوروناوائرس کن رکھوک گام گیج آتیکن 20  لکھ سول ہسپتال ءِ جاری کرینے ولے ہندا20  لکھ نا پیسہ غاتیان بیرہ منہ پیکٹ فیس ماسک و سنیٹائیزر ہلکنو ولے درمان کن بروک آ بوہڑی، ٹاون، کرم خان شار، اوریانی، تمبو،لاسے زئی گرسنی نا باتی تیکن ہچ ءُُ رکھوک گام گیج اس کننگتنے۔ میر چاکر خان وزیر اعلی بلوچستان چیف سیکرٹری بلوچستان سیکرٹری جانجوڑی آن خواست کرے کہ زموار آ افسر آتا برخلاف کارروائی کننگے۔