حضرت ابراہیم ؑ و اسماعیل ؑ   نا کعبۃ اللہ نا تفنگ  1

حکم مَس اللہ نا اودے مکہ غا ولدا ہنک

خڑک آ زُم زُم نا ہمو نی بیت ربی ء ِ تفک

آدمؑ اے نا کہ تخاسُس بنیاد آتے دو تیٹ

نا ای اولاد ء ِ کریٹ آباد اوڑے زُو تیٹ

حکم رَبّی اٹ خلیل ؑ ہم مکہ غا زُو مون کرے

تاکہ اوڑے کیو تعمیر تینا اللہ نا در ء ِ

ابراہیم ؑ تو اسماعیل ؑ ہم رب انا حکم آ سلوک

خوشی اٹ دیوال تے اوڑے بیت انا بڑزا کروک

اے ننا رب نی اُس خواجہ کر قبول ننے خدا

تپنہ ہچ بیشک چاہوک نی بنوک آ رب ننا

لِچّخ و خل مچ کریکہ اسماعیل ؑفرمان اتو

خلک دیوال باوہ جان تے او خلیلی  ؑشان اتو

بندغ آتا قد انا کچ بیت انا دیوالک ہنار

ولدا مسک ابراؑہیم ء ِ بُڑز لگنگ نا چکار

ایس اسماعؑیل خل اس وا اوڑکن پلکین ۱نا جہ آ

داسکا اوڑے او تخوک ء ِ بیت ربی نا رہ آ

داسہ اے نا پن ء ِ مشہور او مقام ابراہیمؑ

نفل خوانون ایڑے وخت اس گر ہنا نک ای و نیم

بیت انا پہناد ئسک بیست و دو گز اے تم آ

مرغنی تے سی و دو گز شان اتو تینا جہ آ

نُہہ گز اونا بڑزی ئسک بیرفوک او اَلّوک

بندہ ء ِ تینا حقیر آ نی ہمونگی رب دَرَک

رہبری اٹ جبرائیلؑ نا اسماعؑیل خل اس خنا

اے کہ مشہور قیامت اسکان حجر اسود نا پن آ