گدان ادبی دیوان نا مشاعرہ

 

گدرینگوک آ یک شنبے یانزدہ جولائی نا دے سوراب نا ٹاؤن ہال اٹی گدان ادبی دیوان بلوچستان نا کنڈ آن اسہ زیبا ءُ مشاعرہ اس اڈ تننگا۔

مشاعرہ نا خاص انگا مہمان رخشان ادبی کاروان نا باسک کریم اسیر پنجگوری ئسکہ۔ اعزازی مہمان تیٹی کے او سی یونیورسٹی ترکی کن پوسکن سلیکٹ مروک آ شاعر عنایت صدف میروانی، شہزاد بلوچ و محسن بسمل اسک اوار ئسر۔

شونکاری نا دود آتے صادق ندیم دوئی کرے۔ دا پروگرام اٹی مسکوہی ڈپٹی کمشنر سوراب ڈاکٹر خدائے رحیم میروانی ءِ اسہ لیکچر اس علم و ادب نا زی آ تروئی ئس، ولے او بننگ کتو۔ وخت اس کہ شفیق بلوچ، شکیل زہری، ہدایت نادری نا کمتی دا پروگرام اٹی محسوس مس۔دا وخت آ عنایت ساغر گدان ادبی دیوان نا بنا غان ہلیس داتم اسکان نا کاریم تا جاچ اس پیش کرے۔

مشاعرہ ٹی ہرا شاعر آک تینا کلام آتے بنفیر، اوفتا پنک و کلام نا وَڑک آک دا وڑ ءُ:

صادق ندیمؔ

اینو نہ سمجھسہ نی سمجھاس نئے درو

چاہسن وطن ننا ءِ، آخر ننا مرو

ستار سافی میروانیؔ

زمانہ بدل مسنے، چم کروئی ءِ

مہر مہالو بھاز کرین، کم کروئی ءِ

کبیر مہکشؔ

لغت آن مے لوز ءِ نم کشبو

کم ظرف پن ءِ تخ کم نسل انا

اعجاز انجم سراوانی

نی تُوبے نا ٹکر نقاب ءِ نا مون آ

انت کروٹک ای دا است ءِ ہسون آ

غلام صدف بلوچستانیؔ

اخس کاس دنیا نا رند اٹ دنیا مفک تو نا

وخت اس کہ نا جند انا سیخا مفک تو نا

ناصر ارشادؔ

ہمو ہند آ تینا نن جک سلوک اُن

زرس داکان پین مستی گام ہنپک

غفار عاطف سمالانیؔ

مس بہا داڑے دتر انسان انا

خاص کر سمجھا بلوچستان انا

غلام غمخوارؔ

تمپ و مند ءِ

نے کن داڑے سندھ ءِ

سراج ریکیؔ

مچ مبو کل نما ایلمی نم کبو

غم اسٹ یک زبان راج اٹی نم مبو

نوید صابرؔ

قاتل اس شار انا کتاب دوٹی ءِ

مومن اس راہی، شراب دوٹی ءِ

عبدالکریم کوکبؔ

تولن لکھن شعر اس مصرع اس

چکن پرغن بحر اس مصرع اس

استاد اسماعیل خنجریؔ

کہ ماڑی و محلات گدان ءِ ننا

رب کیسک حفاظت کاروان ءِ ننا

ابوبکر الفت لہڑیؔ

اے ظلم نشان کرینس گدان ءِ ننا

ظلم اٹ خاخر لگفینس جہان ءِ ننا

محسن بسملؔ

ننا تقدیر نن تون ءِ

چشخ انا لکیر نن تون ءِ

اقبال سائرؔ

تینے پاسہ پرک

نی پا پرک دیر آ غرک

وحید عادلؔ

عادل نا است اٹی او مہر اٹ قدم تخاکہ

قسمت نا اگہ نے تون استار مروسس

عنایت صدف میروانیؔ

بر شمع اس لگفن تعلیم انا جہان اٹی

نن ہکل اس ہلین علم انا میدان اٹی

کریم اسیر پنجگوریؔ

دیر ءِ ننا بیگانہ

دشمن تو غدار ءِ چانہ

ہفتئی تلار
تاک: 26
16-10 جولائی 2021ء
پنہ: 03