اسلم بنگلزئی (برج دلو)

(نوٹ: براہوئی شاعر و ادیب آتا برج آتے چاہنگ کن اسہ سلسلہ اس شروع کننگانے۔ تانکہ اوفتا برج، پیدائشی عدد و مرکب عدد آتا چاہنگ آن پد اوفتا شاندار شخصیت، مزاج نا ترندی و سستی ءِ معلوم کرسا خوانوک آتے معلوم کرفنگ ءِ۔ ہر اسٹ آن دا اومیت کننگ ہم المی اف کہ دا سلسلہ ءِ پسند کیر۔ واہم کس اس اگہ تینا برج ءِ معلوم کننگ یا تینا خوانوک آتے معلومدار کرفنگ خواہک تو تینا پن و ودی دے ءِ اگہ مس تو اسہ فوٹو اس ہم دا نمبر آ 0315-4211666 آ ایس ایم ایس یا وٹس ایپ کے۔ منت وار)

محمد اسلم بنگلزئی (ودی دے 2 فروری 1967ء) برج ”دلو“ (Acquarus)، (دورانیہ برج ”21جنوری آن 19 فروری اِسکان)، استار ”زحل“ (Saturn)، وڑ ”خوابڈ“، مزاج ”بادی“، ہجی نا حرف آک ”س، ش، ص، ث“، ہندا مزاج نا ایلو برج آک ”جوزا، میزان“، مزاج آن چَپ برج آک ”ثور، اسد، عقرب“، اسہ وڑ انا برج آک ”حمل، جدی، قوس، حوت“، بے تعلق برج آک ”سنبلہ، سرطان“، کلید وجود ”پٹ پول، مہر، خذمت“ جم وڑ اٹ مزاج نا اثر ”ذہین، قلم کار اسے تو لوز آتتون گوازی کروک، ذوق جمالیات“، ودی دے ئی عدد ”2“ مرکب عدد ”40“، لائف پاتھ ”9“ ءِ۔

اسلم بنگلزئی نا برج (دلو) نا رد اٹ بندغی نا خیرخواہ، جوان ءُ آخبت اسے کن مدام کوشست کروک، حوصلہ مند، ہمتی، مستقل مزاج، خود اعتماد، مستین آ غور کروک، تینا زند ءِ بدلیفنگ نا خواہندار، امن پسند، زمواری تے پورا کروک، مخالف جنس ءِ متاثر کروک۔ سنگتی ٹی اسہ آب اس ٹہیفنگ، سنگتی ٹی روحانی ءُ تسکین اسے نا خواہندار، ہر وڑ اٹ قدردان و ایلوفتا جوزہ غاتے قدر تننگ اونا وصف آتے ٹی ساڑی ءِ۔ ہراڑے تینا ذہانت نا سوب آن مخالف جنس انا اُست آ اثر شاغک، آجوئی پسندی تون اوار چندی جوانی تا خواجہ مننگ، و داڑتون اوار بھازِ انگا جوانی تتون اوار گڑاس نزوری ہم ارے۔ دن کہ زو گیرام کننگ، اسہ وخت اٹی کیہی مہر آتا بندی مننگ کیک، دائے۔

اسلم بنگلزئی نا)ودی دے 2فروری 1967) ودی دے ئی عدد ”2“ ءِ۔ انتئے کہ ودی دے ئی عدد نا دورانیہ ہر تو انا 2، 11، 20، 29 ءِ۔ دا عدد (2) دے اکن کاریم اٹ بریک۔ بے باور حالیت آتا نمائندگی ءِ کیک۔ فرض شناس مریک، لس وڑ اٹ برام آن پد زیات زمواری اٹ زند ءِ گدریفنگ نا خواجہ مریک۔ بندغی نا ڈکھ و ویل اٹی کمکار مریرہ۔

اسلم بنگلزئی نا مرکب عدد ”40“ ءِ

(Aslam Bangulzai 1,3,3,1,4=12- 2,1,5,3,6,7,1,1=28- 12+28=40)

دا مرکب عدد راجی جوانی تے کن مدام خواہندار ءِ۔

اسلم بنگلزئی نا لائف پاتھ ”9“ ءِ۔

(2.2.1967- 2+2+1+9+6+7=27- 2+7=9)

دا لائف پاتھ نا مطلب ءِ کہ مچ آ بندغ آتا سنگت۔ دا لائف پاتھ نمبر نا کلیدی لوز آتے ٹی دوست، تخلیق کار، مقناطیسی کشش، ہمدردی، انسان دوستی ساڑی ءُ۔ مڑوئی چکار نا کمتی ارے۔ لائف پاتھ 9 والا بندغ آتے کن ہر وڑ انا وارخواہیک ساڑی ءُ، دا لائف پاتھ نمبر ہر وڑ اٹ اسہ جوان و سرسہب ءُ بندغ اس جوڑ کروک ءُ نمبر اسے۔

براہوئی زبان نا ایلو برج ”دلو“ والا شاعر و ادیب آتے ٹی جوہر براہوئی 28 جنوری (1950ء)، عبدالحیات منصور براہوئی 8 فروری (1965ء)، پروفیسر عظیم جان 7 فروری (1953ء)، و حسن ناصر 13 فروری (1984ء)، اسک اوار ءُ۔

ہندا وڑ اٹ ودی دے ئی عدد ”2“ والا ایلو براہوئی زبان نا ادیب و شاعر آتے ٹی افضل مراد 2 جنوری (1961)، پروفیسر گل بنگلزئی 2 اگست (1935ء)، حاجی خیر جان ریکی 2 اپریل (1952ء)، شہزاد غنی 2 اگست (1975ء)، پروفیسر عبدالحمید شاہوانی 11 مارچ (1954ء)، ڈاکٹر علی احمد شاد 20 دسمبر(1964ء)، اکرم ساجد 20 مارچ (1982ء) و عبدالرحیم زامؔ 29 اگست 1992ء) اسک اوار ءُ۔

ہفتئی تلار
تاک: 26
16-10 جولائی 2021ء
پنہ: 03