الس تون کروک قول تے پورو کننگ ان‘مٹھاخان کاکڑ

ژوب : سلاہکار شینکاری حاجی مٹھاخان کاکڑ بلدیاتی گچین کاری تا چارمیکو مرحلہ و حاجی محمدخان کبزئی نا سرسہبی نا وخت آ تران کرسا پارینے کہ بلدیاتی گچین کاری تا خاص انگا سیٹ آتیا ننا پینل نا سرسہبی ننا کل انا سرسہبی ءِ۔ حاجی محمدخان کبزئی جے یو آئی ٹی اخس قربانی تسنے او کس آن ہم ڈھکوک افس۔ ولے داڑان پد ہم جے یو آئی حاجی محمدخان کبزئی ءِ اسہ کنڈ و اُست ہسون کرے او پارینے کہ ای اُلس تون ہرا وعدہ کریسس ہمو وعدہ غاتے پورو کننگ انگ ءِ و اُلس بلدیاتی گچین کاری تا چارمیکو مرحلہ غا سرسہی دوئی کریر او پارینے خاص انگا سیٹ آتیا بھلو کچ اسے ٹی سرسہبی دوئی کرینے۔ پی ڈی ایم ءِ میونسپل کمیٹی و ڈسٹرکٹ کونسل اٹ بے سہبی آن بیدس ہچ ءُ اس رسینگتو انتئے کہ ننا کاروان تعصب و نفرت نا سیاست آ پام تخپک۔

(آن لائن)