پی ڈی ایم مقننہ ءِ تینا گرج آتا فورم اٹ بدل کرے‘مولاناشیرانی

کوئٹہ : جمعیت نا راہشون مولانا محمد خان شیرانی پارینے کہ اسہ بندغ اسے نا جندی فائدہ غاتے سر کننگ یا اسہ خاص ءُ بدغ اسے نا نسخان نا خاطر آن کانود سازی آن کانود نا بنداوی جون، اصول و دائرہ کار خراب مریک پی ڈی ایم مقننہ ءِ تینا وقتی گروہی و جندی گرج آتا پوروی نا فورم اٹ بدل کرینے۔ او پارینے کہ پاکستان نا سیاسی تاریخ آن معلوم مریک کہ بدنیتی اٹ کروک آ کانود سازی و گام گیج آک وخت بدل کننگ آ گیشتری تینٹ دا گام گیج آتے تینکن سہارا اس تکوک آک لخ انا طوق جوڑ مریرہ۔ حکومت و اقتدار کس اسے تون ہر وخت سلپسہ۔ ولے تینا حکومت نا وخت آ عدل و انصاف نا گرج آتیان انحراف کروک آ بندغ آک پد آن بے انصافی نا دوہائی ترسا اخلاقی سلاہ و کانودی جواز آن زہمی مریرہ او پارینے کہ ایہن تو ہندن لگک کہ وخت آ ملک اٹ گچین کاری تا اڈ تننگ نا ارادہ ساڑی اف۔

(آن لائن)