وڈھ انا ویل ءِ قبائلی پارسا جان خلاسی کننگ انگ ءِ‘میرنذیراحمد

پنجگور :  بلوچستان نیشنل پارٹی نا بنجائی راہشون میر نذیر احمد،سردار کلیم اللہ‘چیئرمن ریاض احمد‘ جہانگیر بلوچ‘ محمد حیات و ایلوفتا وڑھ اٹ بی این پی نا کماش سردار اختر جان مینگل تون اونا اُرا ٹی اوڑدہی و وڈھ انا خراب انگا حالیت آتیا ہیت وگپ مس۔ وڈھ انا ودی کروک آ خرابی تا بابت اٹ 26 جون آ سنٹرل کمیٹی ءِ بٹنگ انگ آ امنائی مس او وخت آ او پارینے کہ وڈھ انا ویل قبائلی اف سیاسی اس ہم اف۔ اودے قبائلی رنگ اس ترسا بلوچستان اٹ سیاسی کسر ءِ توننگ نا کوشست ءِ کننگ انگ ءِ، صوبائی و بلوچستان نا سیاسی راجی بندغ آتا ویل آتے قبائلی ویل اس پارسا تینا جان ءِ خلاس کپبو دا حالیت بلوچستان نا سیاست آ دا جاگہ نا بلوچ رہنگوک آتیکن خراب مریک۔ او پارینے کہ ہرا حالیت آتا زموار ءُ اوفتے مچ آ قوم سمجھک کہ اوفتے تینا کمک دوئی ءِ۔

(آن لائن)