بنجائی وزیر ریلوے شیخ رشید احمد نا کوروناٹیسٹ منفی بس
Get real time updates directly on you device, subscribe now.
راولپنڈی (اے پی پی) بنجائی وزیر ریلوے شیخ رشید احمد نا 14 دے راولپنڈی نا ملٹری ہسپتال اٹی درمان مننگ آن پد کورونا ٹیسٹ منفی بس، اُراغا کاہک۔ ہسپتال آن تینا کلہو اٹی اوپارے کہ وزیراعظم عمران خان و آرمی چیف جنرل قمر جاوید باجوہ نا خاص وڑاٹ منت وار اُٹ ہرا کنا درمان نا بابت ہرفسا کریر۔ اوپارے کہ اینو ملٹری ہسپتال راولپنڈی آن اُراغا ہِننگ اُٹ۔ مچ آ قوم انا منت واری ءِ ہرفیوہ ہرا کنا دراخ جوڑی کن دعا کرسا کریر۔ یات سلے کہ بنجائی وزیر ریلوائی شیخ رشید احمد 8 جون آ کوروناٹیسٹ پازیٹو بننگ آن پد سیلف کوارنٹین اٹ ئس و درمان کن راولپنڈی نا ملٹری ہسپتال اٹ درمان مسکہ۔ 24 جون آ اونا دُوارہ کورونا ٹیسٹ ءِ کننگا ہرا منفی بسنے۔