حکومت بلوچستان جانجوڑی بشخ آ خصوصی چکار کننگ ءِ، عائشہ زہری

0

Get real time updates directly on you device, subscribe now.

نصیر آباد : ڈپٹی کمشنر نصیرآباد عائشہ زہری نا پارت آتا روشنائی ٹی ایڈیشنل ڈپٹی کمشنر نصیرآباد سید فاروق شاہ سول ہسپتال نا دورہ ءِ کرے۔ دورہ نا وخت آ او جتا جتا بشخ آتا جاچ ءِ ہلک۔ ڈاکٹر آتا حاضری رجسٹرڈ آتے چیک کریر و حکومت نا کنڈآن فراوان کروک آ دارو تا جاچ ءِ ہلک۔ ایم ایس ڈاکٹر ایاز حسین جمالی اوفتے کل حوال آتا رداٹ معلومداری فراوان کرے۔ او وخت آ ڈسٹرکٹ ہیلتھ آفیسر ڈاکٹر عبدالمنان لاکٹی ڈاکٹر عبدالقدیر ابڑو ڈاکٹر شفیع محمد بگٹی ہم ساڑی ئس۔ ایڈیشنل ڈپٹی کمشنر نصیرآباد سید فاروق شاہ اوفتے پارسا پارینے کہ حکومت بلوچستان ایلو محکمہ غاتون اوار جانجوڑی نا بشخ آ خاص سجفنگ انگ اٹی ءِ تانکہ اُلس ءِ جتا جتا ہلوک آ ناجوڑی تیان رکھوک کرسا جانجوڑ ءُ راج اس جوڑ کننگے۔ ڈاکٹرک تینا خدمت آتے جوان وڑاٹ پورو کیر انتئے کہ ڈاکٹرک مسیحا مریرہ ہرا ڈکھی آ انسان تا خدمت ءِ کرسا تینا فرض آتے پورو کیرہ۔

(خ ن)

Get real time updates directly on you device, subscribe now.

Leave A Reply

Your email address will not be published.