مچ آ قوم تینا شہید آتا قدر ءِ کیک، صدر مملکت
اسلام آباد : صدر مملکت ڈاکٹر عارف علوی وطن کن بھلا خذمت و قربانی تیا شہید آتے خراج عقیدت پیش کرساپارینے کہ مچ آ قوم تینا شہید آتا قدر ءِ کیک، و او اوفتا قربانی تے مدام یات تخک۔ جمعہ نادے آ ایوان صدر نا پریس ونگ آن جاری بیان نا رداٹ صدر مملکت داخیال آتا درشانی ءِ 20 مئی آ ٹانک سویلی وزیرستان اٹی شہید مروک آنائیک محمد عتیق و رجب علی نا وارث آتون فون آ گپ وتران کرسا کرے۔ ڈاکٹر عارف علوی شہید آتا خاہوت آتون ٹیل فون آ ہڑزخواہی کرے و شہید آتے خراج عقیدت پیش کرے۔ صدر مملکت 20 مئی آ گلاب پوسٹ بلوچستان اٹی شہید مروک آ سپاہی مدثرحمید و عبدالقدیر نا خاہوت آتون ہم ہیت کرے۔ او20 مئی آ زرغون بلوچستان اٹی شہید مروک آ سپاہی ظہیر احمد نا خاہوت تون ہم رابطہ کرے و شہید آتا وطن کن خذمت و قربانی تیا اوفتے خراج عقیدت پیش کرے۔ صدر مملکت پارے کہ مچ آ قوم تینا شہید آتا قدر ءِ کیک و او اوفتا قربانی تے مدام یات تخک۔ صدر مملکت شہید آتا جوزہ حب الوطنی و فرض اتون لگن نا ہم ستاءِ کرے۔ صدر مملکت شہید آتا درجہ غاتا بڑزی و خاہوت کن صبر وجمیل نا ہم دعا کرے۔
(اے پی پی)