بھارت تون بیک ڈور چینل ڈپلومیسی و واپار آ ہیت مفننگ ءِ، حنا ربانی

تعلقداری ٹی ساڑی آ سختی تیان پد ہم تدوک آ چار سال اٹی اِرا معاہدہ غا دستخط کننگا، وزیر مملکت خارجہ باندات

0

Get real time updates directly on you device, subscribe now.

اسلام آباد : وزیر مملکت خارجہ امور حنا ربانی کھر پارینے کہ بھارت تون نئے بیک ڈور چینل ڈپلومیسی مننگ ءِ و نئے واپار نا بابت مذاکرات مننگ اٹی ءِ۔ پنچ شنبے نادے آ سینیٹ نا دیوان اٹی وقفہ سوج آتیٹی سینیٹر بہرہ مند تنگی، سینیٹر مشتاق احمد، سینیٹر فیصل جاوید نا سوج آتا ورندی ٹی او پارے کہ تدوک آ چارسال اٹی پاکستان و بھارت نا نیام اٹ تعلقداری بھارتی اشتعال انگیز گام گیج آتا سوب آن سلیس، ساڑی آ دور حکومت اٹ ہڑتوم آ ملک آتا نیام اٹ سفارتی تعلقداریک محدود ءُ و الس نا کہول آ تبادلہ کم آن کم ءِ۔ اوپارے کہ تعلقداری ٹی ساڑی آ سختی تیان پد ہم تدوک آ چار سال اٹی اِرا معاہدہ غا دستخط کننگا، اوفتے ٹی 24 اکتوبر 2019 ء آ کرتارپور راہداری و 25 فروری 2021ء آ ایل او سی آ جنگ بندی نا معاہدہ اوار ءِ، پاکستان کرتارپور راہداری ءِ ملنگ کن بھارت تون مفاہمتی یات داشت آ دستخط کرے، اقوام متحدہ نا کنڈآن دا راہداری ءِ امن نا راہداری پاننگا، کم و ود پنچ ہزار زائر داسہ ہڑدے مقدس ہند آتا زیارت کن بیدس ویزہ فیس آن پاکستان آ بریرہ۔ اوپارے کہ ایل او سی آ جنگ بندی معاہدہ غان پد سیم آن ایپار آن اشتعال انگیزی نا واقعہ غاتیٹی کمتی بسنے، داکان مست ہڑتوم آ ملک آتا نیام اٹ 2003ء ٹی جنگ بندی نا بابت مفاہمت مسوسس ہرانا بھارت 13 ہزار 500 وار خلاف ورزی ءِ کرے ہراٹی 10 شاری شہید و کم از کم 1600 ٹھپی مسر۔ اوپارے کہ ساڑی حکومت ہراتم آن اقتدار اٹی بسنے، ہڑتوم آ ملک آتا نیام اٹ بیک ڈور چینل ڈپلومیسی مفننگ ءِ و نئے بھارت تون واپار نا بابت ہیت وگپ اس مننگ ءِ، پاکستان نا خارجہ پالیسی چرجوئی آ تالان ءِ۔

(اے پی پی)

Get real time updates directly on you device, subscribe now.

Leave A Reply

Your email address will not be published.