سینیٹ،ہرنائی ٹی مزور تا زوال نا بابت قائمہ کمیٹی نا رپورٹ پیش
ایف سی و فیڈرل فورس آک بلوچستان اٹی امن ایمنی ءِ برجا تخنگ اٹ سہب خنتنو، قائمہ کمیٹی نا رپورٹ
اسلام آباد : سینیٹ اٹی ہرنائی ٹی مزور آتا زوال و ایف سی و فیڈرل فورس آتے بلوچستان اٹی امن عامہ ءِ برقرار تخنگ اٹ بے سہبی نا بابت قائمہ کمیٹی نا رپورٹ پیش کننگا۔ پنچ شنبے نادے آ سینیٹ نا دیوان اٹی سینیٹر فیصل سلیم ہرنائی ٹی مزور آتا زوال و ایف سی و فیڈرل فورس آتا بلوچستان اٹی امن ایمنی ءِ برجا تخنگ اٹ بے سہبی نا بابت کمیٹی نا رپورٹ ءِ پیش کرے۔ ہندن سینیٹ اٹی پیشن نا ملک پاکستانی سفارت خانہ، قونصلیٹ و مشن تیٹی کاریم کروک آتا سرجم آتا بابت قائمہ کمیٹی خارجہ امور نا رپورٹ ءِ پیش کننگا۔ پنچ شنبے نادے آ سینیٹ نا دیوان اٹی قائمہ کمیٹی امور خارجہ نا چیئرمین سینیٹر فاروق ایچ نائیک پیشن نا ملک کاریم کروک آ پاکستانی سفارت خانہ، قونصلیٹ و مشن تیٹی کاریم کروک آتا کچ و ہرعملہ نا گریڈ و سرجم بشمول سفیر و قونصلر ہرا داٹی کاریم کننگ ءُ، ہرافتا ڈومیسائل بلوچستان و تعلق اقلیت آتیان ءِ، آ قائمہ کمیٹی نا رپورٹ ءِ پیش کرے۔ داکان بیدس سینیٹ اٹی پی آئی اے نا کمک اٹ پیشن نا ملک آن لاش آتا گدریفنگ نا بابت قائمہ کمیٹی ایوی ایشن نا رپورٹ ءِ پیش کننگا۔ پنچ شنبے نادے آ سینیٹ نا دیوان اٹی سینیٹر فیصل سلیم پی آئی اے نا کمک اٹ پیشن نا ملک آن لاش آتا گدریفنگ نا بابت قائمہ کمیٹی ایوی ایشن نا رپورٹ ءِ پیش کرے۔
(اے پی پی)