قلات شیشاری پارود اٹ بارودی سرنگ نا دھماکہ‘ موٹرسائیکل سوار ٹھپی
Get real time updates directly on you device, subscribe now.
قلات (فیض نیچاری) قلات شیشاری پارود نا علاقہ ٹی بارودی سرنگ نا دھماکہ‘ موٹرسائیکل بھس‘ موٹرسائیکل سوارٹھپی مس۔ لیویز حوالی نا رد اٹ قلات آن 70 کلومیٹر نا مری آساڑی علاقہ شیشاری پارود اٹ سہب انا مہالو عبدالعزیز ولد محمد حسن قوم محمدحسنی سکنہ شور پارود موٹر سائیکل آ ہناکہ کہ کسر اٹ نادرست بندغ آتا کنڈآن کھڈ کروک بارودی سرنگ ءِ لتاڑا‘بارودی سرنگ نا دھماکہ غان موٹر سائیکل بھس مس وخت اس کہ عبدالعزیز بھاز ٹھپی مس‘ ڈہ رسینگ آ ٹھپی ءِ قلات ہسپتال آ گدریفنگا‘ ہراڑے بنائی درمان آن پد اودے مستی درمان کن کوئٹہ غا گدریفنگا‘ مستی جاست پاست قلات لیویز کننگ اٹی ءِ۔