اُلس نا رکھ ءِ کننگ ہر حکومت نا زمواری ءِ‘ ضیاءلانگو

کوئٹہ (خ ن ) صوبائی وزیر داخلہ پارینے کہ اُلس دشمن سیاسی اشرافیہ آن تنگ خاص کر ورناک بلوچستان عوامی پارٹی آ تینا اُست خواہی نا درشانی ءِ کریر او ورناک تینا آخبت ءِ بلوچستان عوامی پارٹی نا دوٹی تسر۔ ساڑی صوبائی حکومت اُلسی گمان تا وڑاٹ امن و ایمنی، تعلیم، جانجوڑی، پولیس و ایلو بشخ آتیٹی اُلسی خدمت کننگ اٹی ءُ۔ دا خیال آتا درشانی ءِ او ڈل اسے تون ہیت و گپ کرسا کرے، خدمت کننگ نا دا وڑ اگہ صوبہ نا اُلس کن پُوسکن ءِ ولے راستکی دادے کہ ہر حکومت نا زمواری مریک کہ او اُلس نا خدمت ءِ کے و ہر حکومت بایدے دادے تینا زمواری پہہ مرے ولے بد قسمتی آن مالو حکومت آک دا زمواری نا احساس ءِ کتوس۔ بلوچستان عوامی پارٹی دا کہوک آ احساس ءِ زندہ کرے و سرکاری وسیلہ غاتے اُلس نا رکھ اکن خڑچ کرے۔