الس بے گرج اُراتیان پیش تمپ، میر جمعہ خان بادینی

0

Get real time updates directly on you device, subscribe now.

کوئٹہ(اے پی پی) بزرگ سیاستدان راجی و قبائلی راہشون حاجی جمعہ خان بادینی کوروناوائرس نا رداٹ تینا جاری کروک اسہ بیان اسے ٹی پارینے کہ کورونا وائرس اسہ جہانی ءُ دین اسے نا دروشم اٹی بھلو کچ اسے آ انسان تے بھاز زہمی کرینے، کوروناوائرس چین نا شار ووہان آن بناءِ کرسا یک و نیم سد آن زیات ملک آتے تینا پلویڑ اٹ ہلکنے، ہرانا سوب آن جہانی کہول آ دہ ہزار آن زیات انسان زوال کرینو و لکھ آتا کچ اٹ خلقت کوروناوائرس نا مرض اٹی اختہ مسنوہراکہ بے کچ فریشانی نا حالیت اسے، ایلو ملک آتیانبار کوروناوائرس کیس آک بلوچستان تون اوار مچ آپاکستان اٹی رپورٹ مسنوہرانا سوب بلوچستان حکومت الس نا رکھ انا رداٹ جزوی وڑاٹ لاک ڈاو ¿ن نا پڑو ءِ کرینے ہراکہ اسہ جوان ءُ گام اسے ، اوپارے کہ کوروناوائرس نا تالانی نا زہم آتے کم کننگ و بلوچستان نا الس نا رکھ ءِ پک کننگ کن حکومت ءِ بھلو فیصلہ کروئی مریک، حاجی میر جمعہ خان بادینی الس آن خواست کرساپارے کہ بے گرج اُراتیان پیش تمپ و میڈیکل سائنس تون وابستہ چاہندار آتا مشورہ غاتیا عمل کرسا تینا انفرادی و اجتماعی رکھ ءِ پک کیر، حاجی میر جمعہ خان بادینی صوبائی حکومت آن خواست کرسا پارے کہ مارچ و اپریل نا تُو اٹی الس آن بجلی نا بل ہلنگپ و کم کٹیا کروک خاہوت آتے کم آن کم اسہ تُواکن راشن و فی خاہوت ءِ بیست ہزار روپئی مالی امداد تننگے تانکہ ضرورت مند خاہوت آتا دیگدانک کسپس۔

Get real time updates directly on you device, subscribe now.

Leave A Reply

Your email address will not be published.