کوروناوائرس :کوہلو ٹی لیویز فورس انا کنڈآن شار اٹ جراثیم کش اسپرے
Get real time updates directly on you device, subscribe now.
کوئٹہ(اے پی پی) کوروناوائرس نا رداٹ کوہلو ٹی لیویز فورس انا کنڈآن شار انا چندی گلی و محلہ غاتے ٹی جراثیم کش اسپرے کننگ انگ ءِ داوخت آ رسالدار میجر لیویز شیر محمد مری نا پاننگ ئس کہ لیویز فورس انا کنڈآن کوروناوائرس نا رداٹ شار انا چندی گلی و محلہ نیوکلی، مری کالونی، پیپلزکالونی، مری آباد، مدینہ کالونی، کلی فیروزئی، کلی فیض محمد چرمئی، آزاد شار، کلی سردار فیروز خان، ہسپتال کالونی تون اوار چندی گلی و محلہ غاتے ٹی ہردے ئی بنداو تیا سہب و شام لیویز نا اِراگاڈی جراثیم کش اسپرے کننگ ءُ تانکہ سفائی نا حالیت آتے برقرار تخنگ مرے اوپارے کہ کرونا وائرس نا رکھی گام گیج نا بابت لیویز نا کنڈآن بلوچی زبان اٹی شار انا چندی علاقہ غاتے ٹی لاوڈ اسپیکر تا کمک اٹ پڑو ہم کننگ انگ ءِ تانکہ خلقت زیات آن زیات کچ اٹی تینا اُراتیٹی مریر المی کاریم تیان بیدس بازار تیا ہنپس، مچی و رش والا جاگہ غاتیا یکجا مفس، و مچی تیان پانادکیر اوپارے کہ الس ضلعی انتظامیہ تون تفسا کورونا وائرس ءِ تالان مننگ آن ہلیپس۔