کورونا وائرس نا تالانی ءِ توننگ کن سیمی ضلع عبداللہ چمن اٹی دفعہ 144 نافذ کننگا

کوئٹہ(اے پی پی) کوروناوائرس نا تالانی ءِ توننگ کن سیمی ضلع قلعہ عبداللہ چمن اٹی دفعہ 144 نافذ کننگانے۔ مچ آ ضلع ٹی دویا دوسد آن زیات بندغ آتا یکجا مننگ آ پابندی خلنگانے، جلسہ جلوس آتون اوار ضلع ٹی برجا فٹبال، کرکٹ ٹورنامنٹ آتے منسوخ کننگانے۔ غٹ شاپنگ مالز، مارکیٹس، ہوٹلز و ریسٹورنٹ آتے بندکروئی مریک۔ ڈپٹی کمشنر بشیر بڑیچ پارینے کہ میڈیکل اسٹور، بیکری و تندورآک یلہ مریرہ، داکان بیدس پآ انا دوکانک، پرچون نا دوکانک، سوزی، میوہ غاتا دوکان و پٹرول پمپ آک ہم دا پابندی آن مستثنیٰ مریرہ۔ ڈپٹی کمشنر قلعہ عبداللہ چمن پارے کہ دفعہ 144نا خلاف ورزی کروک آتا برخلاف سخت کارروائی کننگے۔