اِمپورٹڈ حکومت کنے اسُل دزگیر کننگ کپک، عمران خان

لاہور : چیئرمین پی ٹی آئی عمران خان پارینے کہ امپورٹڈ حکومت کنے اسُل دزگیر کننگ کپک۔ تحریک انصاف نا سینئر راہشون تتون ہیت و گپ کرسا مسکوہی وزیراعظم پارے کہ کنا جند آ ہم عدالت آتیٹی مقدمہ غاک چلینگ انگ ءُ۔ ولے امپورٹد حکومت کنے اسُل دزگیر کننگ کپک۔ تدوک آ دے زمان پارک آن عمران خان نا گمانی دزگیری نا گڑتی تا رد اٹ کارندہ غاتا بھلو کچ اس سر مننگ و برانز کننگ آ چیئرمین پی ٹی آئی پارے کہ 22 کروڑ الس تحریک انصاف تون سلوک ءِ۔ پارٹی راہشون و فواد چوہدری نا دزگیری آ تینا رد عمل ءِ ترسا عمران خان نا پاننگ ئس کہ فواد چوہدری تحریک انصاف نا ہراول دستہ نا کارندہ اس مسنے، اونا برخلاف کیس بیر ہلوک کارروائی اسے۔ عمران خان تینا گمانی دزگیری نا بابت پارٹی نا سینئر راہشون تتون سلاہ سوج ءِ پورو کننگ آن پد تحریک انصاف نا بنجائی سرکڑدہ غاتے ہم پارت کرے۔ ایلو کنڈ آ زمان پارک لاہور نا اُرا غان چیئرمین پی ٹی آئی نا گمانی دزگیری نا گڑتی ءِ مون آ تخسا پارٹی کارندہ غاک چندی شفٹ آتیٹی برانز کیرہ۔ اولیکو ریسہ ٹی لاہور نا چندی ٹاؤن تا کارندہ غاک زمان پارک نا پیشن آ ڈیوٹی ایترہ۔

(آن لائن)