کورونا چٹنگ نا خڑک، 24 گھنٹہ ٹی بیرہ 4 کزیت

اسلام اآباد(آن لائن) پاکستان اٹ کورونا وائرس ایسری آن خڑک ءِ، تدوک آ  24 گھنٹہ غاتے ٹی بیرہ 4  زوال مسنے وخت اس کہ 591 پُوسکن ءُُُ کیس مون آ بسنو۔ نیشنل کمانڈ اینڈ کنٹرول سینٹر نا کنڈآن جاری تازہ انگا حساب نا رداٹ ملک اٹ کورونا وائرس نا ایکٹیو کیس آتا بیرہ 10 ہزار 694 سلیسنو۔ تدوک آ 24گھنٹہ ٹی 24 ہزار 956 بندغ نا کورونا ٹیسٹ کننگانے او کل کروک آ ٹیسٹ آتا کچ  24  لکھ 39 ہزار858 مسنے۔ مچ آ ملک اٹ کورونا آن کل کہنگ نا کچ 6 ہزار235 مسنو او 2 لکھ 75 ہزار 836  بندغ کورونا آن جانجوڑ مسنو۔  پاکستان اٹ کورونا وائرس آن کل 2 لکھ 92ہزار 765 بندغ زہمی مسر۔ سندھ اسہ لکھ  27 ہزار 965 کورونا کیس آتون کل آن مون آٹے وخت اس کہ پنجاب نا 96 ہزار178 بندغ زہمی مسنو۔ خیبرپختونخوا35 ہزار720، اسلام آباد 15 ہزار493 او بلوچستان اٹ 12 ہزار507 کیس رپورٹ مسنو۔ آزاد کشمیر 2 ہزار 245 او گلگت اٹ کورونا کیس آتا کچ  2 ہزار 657 ءِ۔کورونا وائرس نا سوب آن پنجاب اٹ 2 ہزار188 او سندھ اٹ 2 ہزار358 زوال کرینو۔ خیبر پختونخوا اسہ ہزار248، اسلام آباد 175، بلوچستان 141، گلگت بلتستان64 او آزاد کشمیر ٹی کورونا آن کہوک آتا کچ 61 ءِ۔ این سی او سی نا کنڈآن محرم الحرام اٹ کورونا نا ولدا تالانی نا انتباہ جاری کرینے۔ کمامدارآتا پاننگ ءِ کہ محرم الحرام اٹی کورونا وائرس نا برخلاف جوان گام گیج آتا کمک اٹ اُلس نا رکھ او فلاح وبہبود ءِ پک کننگک۔