نصیرآباد اٹ بلوچستان نا اولیکو آکسیجن جنریشن پلانٹ خلنگک‘ ڈاکٹرایاز جمالی
Get real time updates directly on you device, subscribe now.
ڈیرہ مراد جمالی: میڈیکل سپرنٹینڈنٹ ٹیچنگ ہسپتال ڈیرہ مراد جمالی ڈاکٹر ایاز حسین جمالی پارینے کہ ضلع نصیرآباد اٹ بلوچستان نا اولیکو اکسیجن جنریشن پلانٹ خلنگک۔ ہراڑان ٹراما سینٹر و سول ہسپتال اٹ آکسیجن نا فراوانی نا بابت اٹ ویل آک ایسر مریک۔ نصیرآباد نا اُلس ءِ طبی آسراتی تا فراوانی کن جوان حکمت عملی نا رداٹ کاریم کننگ اٹی ءِ۔ ڈپٹی کمشنر نصیرآباد عائشہ زہری و ڈی ایچ او ڈاکٹر عبدالمنان لاکٹی نا پارت آ سروے نا ٹیم ءِ پلانٹ کن ڈغار نا جاچ ءِ کرفے۔ آکسیجن جنریشن پلانٹ آ پنجاہ بسترہ غاتیان ناجوڑ آتے آکسیجن آتا فراوانی ممکن مریک۔ دا خیال آتا درشانی ءِ او آکسیجن جنریشن پلانٹ خلوک آ ٹیم نا کنڈآن جاچ انا وخت آ ہیت وگپ نا وخت آ ہیت وگپ کرسا کرے۔ او وخت آ مینیجر سروس ڈیپارٹمنٹ شہزاد احمد پارینے کہ U&DP کووڈ نا کنڈآن بلوچستان نا ایلو مسہ ہسپتال آتیٹی پلانٹ خلنگ اٹی ءِ۔ اولیکو مرحلہ ٹی کوئٹہ و نصیرآباد اٹ کاریم بنا مریک وخت اس کہ سبی خضدار ڑوب لورالائی پنجگور و خاران نا سول ہسپتال اٹ آکسیجن پلانٹ خلنگ نا کاریم ءِ بنا کننگک۔
(خ ن)