شونداری ڈٹ آتیٹی کل آن زیات بلوچستان ءِ اولیت تننگک‘وزیراعظم

اسلام آباد/کوئٹہ (آن لائن )وزیراعظم عمران خان پارینے کہ شونداری ڈٹ آتیٹی کل آن زیات بلوچستان ءِ اولیت ایتنہ، بلوچستان کن پی ایس ڈی پی ٹی کل آن زیات ڈٹ ولے پورو عملدرآمد متو، وزیر تتون کارکڑد ءِ جوان کننگ کن 6 تو انا وخت ارے، دا خیال آتا درشانی ءِ او کابینہ دیوان اٹ تینا خیال آتا درشانی ءِ کرے، تدوک آ دے بنجائی کابینہ نا دیوان مس ہراٹی وزیراعظم عمران خان بلوچستان نا معاملہ غا ہیت کرے، وزیراعظم پارینے کہ بلوچستان اٹ کل آن زیات پی ایس ڈی پی ءِ ہراڑا مکمل عملدرآمد متنے، ساڑی حکومت بلوچستان اٹ شونداری ڈٹ آتے اولیت ایتک، حوال نا رداٹ وزیراعظم پارینے کہ وزیر تتون کارکڑد ءِ جوان کننگ کن شش تو نا وخت ارے، وزیراعظم تینا سلاہکار و خصوصی آ کمکار آتیان دوہری شہریت نا تفصیل آتے خواہس، حوال نا رداٹ وزیراعظم پارت کرینے کہ کمکار و سلاہکار آک تینا شہریت نا تفصیل آتے کابینہ ڈویژن اٹ جمع کرفر دیوان اٹ راﺅ اجمل،خالدمگسی،صوبائی سیکرٹری کشت و کشار و ایلو باسک آک ہم بشخ ہلکر۔