پنجاب حکومت بلوچستان نا شونداری کن ہر وڑ کمک کیک،عثمان بزدار

لاہور (خ ن ) وزیراعلیٰ پنجاب سردار عثمان بزدار تون وزیر اعظم نا خصوصی سلاہکار و بلوچستان نا وزیر تعلیم سردار یار محمد رند اوڑدہی کرے۔ اوڑدہی ٹی صوبہ غاتا نیام اٹ تعلقداری ءِ جوان کننگ آ امنائی کننگا۔ او وخت آ وزیراعلیٰ پنجاب سردار عثمان بزار پارینے کہ شونداری و شونہالی نا سفر اٹ ہڑتوم آ سوبہ غاک اواری ٹی مونی کارہ۔ بلوچستان نا شونداری پاکستان نا شونداری ءِ۔ بلوچستان نا اُلس محب وطن و خواری کش ءُ۔ پنجاب حکومت بلوچستان نا شونداری کن ہر وڑ کمک کیک۔ بلوچستان کنا اُست آن بھاز خُڑک ءِ و پاکستان نا جوڑی و شونداری کن اواری ٹی کاریم کننگ نا گرج مالو آن بھاز زیات ودانے۔ بلوچ ایڑھ ایلم تو انت خدمت اس کہ مریک پنجاب پدی سلپک، او پارینے کہ اوکاڑہ ٹی میر چاکر اعظم رند نا مقبرہ نا اصل انگا حالیت اٹ جوڑ کننگ کن فنڈز تننگانے۔ ہرانا جوڑ کننگ نا کاریم زوت اس بنا کننگک۔ وخت اس کہ دا تاریخی آ مقبرہ ءِ اصل انگا حالیت اٹ جوڑ کرسا مقبرہ تون اوار انگا جوڑ کروک آ دیوال ءِ دڑفسا اودے پین مرغن کننگک۔ او مقبرہ میر چاکر اعظم نا دیوار و بنداو ءِ رکھوک و تاریخی مقبرہ تون اوار ریسٹ ہاس و میوزیم اس جوڑ کننگک۔