امتحان آن بیدس طالب علم آتے پروموٹ کننگپک، شفقت محمود
Get real time updates directly on you device, subscribe now.
اسلام آ باد: بین الصوبائی وزیر تعلیم کمیٹی نا 29 می دیوان بنجائی وزیر تعلیم شفقت محمود نا کماشی ٹی مس۔ دیوان اٹی کل صوبائی وزیرک تیان بیدس آزاد کشمیر و گلگت بلتستان نا وزیرک، و تعلقدار سیکرٹریک ہم ساڑی ئسر۔ ایگزیکٹو ڈائریکٹر ہائر ایجوکیشن کمیشن ڈاکٹر شائستہ، ڈی جی ایف جی ای آئی کینٹ اینڈ گیریڑن میجر جنرل اصغر و سیکرٹری آئی بی سی سی ہم دیوان اٹ ساڑی ئسر۔ چیئرمین فیڈرل بورڈ قیصر عالم و چیئرپرسن پیرا ضیا بتول ہم دیوان اٹ تولوک ئسر۔ بین الصوبائی وزیر تعلیم کمیٹی مچ آ ملک اٹی امتحان تا اڈ تننگ کن کل گمانی آپشن آتیا سرجم سجفے، و پاننگ اکہ بیدس امتحان آن طالب علم آتے پروموٹ کننگپک۔ و فیصلہ کننگا کہ امتحانک20 جون آن پد بنا کننگرہ، ولے تاریخ نا پڑو تعلقدار صوبہ غاک تینٹ کیرہ۔ باسنی تا چھٹی تا بابت بین الصوبائی وزیر تعلیم کمیٹی فیصلہ کرے کہ اوفتے کم کننگک۔