بلوچستان نا 5 سد ارب نا بجٹ 18 جون آ پیش کننگک
Get real time updates directly on you device, subscribe now.
بلوچستان نا بروک آ مالی سال انا بجٹ ہژدہ جون آ پیش کننگک۔ بروک آ مالی سال انا بجٹ نا کچ پنچ سد ارب روپئی آن زیات مننگ نا گمان ءِ۔ محکمہ خزانہ نا حوالی نا رد اٹ بلوچستان نا 21-2020ء نا بجٹ ہژدہ جون آ صوبائی اسمبلی ٹی پیش کننگک۔ داکان مست صوبائی کابینہ پوسکن آ مالی سال انا بجٹ نا منظوری ءِ ایتک۔ صوبائی وزیر داخلہ میر ظہور بلیدی ایوان اٹی بجٹ ءِ پیش کیک۔ محکمہ خزانہ نا حوالی تا رد اٹ بروک آ مالی سال انا بجٹ نا کچ پنچ سد ارب روپئی آن زیات و بجٹ نسخان سد ارب روپئی اسکان مننگ نا گمان ءِ۔ بجٹ اٹ تعلیم ، جانجوڑی امن ایمنی ءِ اولیت تننگک۔ پنچ ہزار آن زیات پوسکن اسامی تا پڑو نا ہم گمان کننگ انگ ءِ۔