عمران خان جلہو کیس، بنجائی حکومت ہم جے آئی ٹی اس ٹہیفے

آئی جی ریلوے راؤ سردار علی خان جے آئی ٹی نا کنوینر پن، ایجنسی تا نمائندہ غاتے ہم جے آئی ٹی ٹی اوار کننگانے

0

Get real time updates directly on you device, subscribe now.

اسلام آباد : بنجائی حکومت وزیرآباد واقعہ نا جاست پاست کن پوسکن ءُ جے آئی ٹی اس ٹہیفینے، وزارت داخلہ جوائنٹ انویسٹی گیشن ٹیم انا بابت نوٹیفکیشن اس جاری کرینے، ہرانا رد اٹ آئی جی ریلوے راؤ سردار علی خان جے آئی ٹی نا کنوینئر پن کننگانے، وخت اس کہ چندی ایجنسی تا نمائندہ غاک ہم جے آئی ٹی ٹی اریر۔ یات سلے کہ داکان مست عمران خان خونی جلہو کیس اٹی جے آئی ٹی سروک ٹیم انا باسک آتا برخلاف کارروائی نا سلاہ تس۔ جے آئی ٹی سروک سی سی پی او لاہور غلام محمود ڈوگر ٹیم انا باسک آتیا کیس ءِ خراب کننگ نا دوبہ خلک۔ جے آئی ٹی سروک ایڈیشنل چیف سیکرٹری داخلہ ءِ جے آئی ٹی باسک آتا برخلاف رپورٹ اس تس۔ جے آئی ٹی سروک غلام محمود ڈوگر پارے کہ اودیم معلومداری تے سوشل میڈیا و الیکٹرانک میڈیا ءِ ترسا کیس ءِ خراب کننگا۔ باسک آتا برخلاف کارروائی نا سلاہ ایتوہ۔ باسک آک با اٹ و نوشتئی و ڑاٹ کنے ہچ ءُ اعتراض اسے نا پاتوس، باسک آتے اناگت خیال بس کہ اسیجائی رپورٹ اس جوڑ کرسا اعتراض کننگے۔ رپورٹ اٹی پاننگا کہ جے آئی ٹی سروک نا وڑ اٹ اول کنے اعتراض آتیان بایدے معلومدار کننگوسس، اولیکو دیوان اٹی اِرا باسک ایس پی ملک طارق و ایس ایس پی نصیب اللہ بشخ ہلکر، افسر آتا ڈیوٹی خلنگا کہ ویڈیو و شاہدی تے زیان کننگ نا برخلاف انکوائری کننگے۔ 17 نومبر آ عدالت ہم ہڑتوم آ افسر آتے پرمان کرے، جے آئی ٹی نا ہڑتوم آ باسک آک انکوائری کتوس، ایس پی احسان اللہ رزاک آ 15 دے اسکان جے آئی ٹی ءِ جوائن کتو، اودے پاننگا کہ دوبہ دار نوید آن پرسجو کے، ولے او اسہ وار اس ہم ہنتو۔ رپورٹ اٹی پاننگا کہ ایس پی احسان اللہ شاہدی تے بدل کننگ نا کوشست کرے۔ مسکوہی پرسجوئی افسر شاہدی تے بدل کننگ نا کوشست کرے، ایس پی احسان اللہ دا بابت مزاحمت کرسا ہنا و ضد کریکہ کہ شوٹر اسٹ اسے۔ دا کل حالیت آتیان پد پنجاب حکومت جے آئی نا کل باسک آتا جاگہ غا پوسکن ءُ باسک پن کرے، و داسہ بنجا ہم تینا اسہ جاست پاستی ٹیم اس ٹہیفینے۔

(آن لائن)

Get real time updates directly on you device, subscribe now.

Leave A Reply

Your email address will not be published.