نقیب اللہ خون کیس: راؤ انوار و ایلو کل دوبہ دار آک بری

0

Get real time updates directly on you device, subscribe now.

کراچی: نقیب اللہ خون کیس اٹ عدالت راؤ انوار تون اوار ایلو کل دوبہ دار آتے بری کرے۔ سرجم حوال آتا رداٹ عدالت نقیب اللہ خون کیس انا فیصلہ ءِ بنفسا مسکوہی ایس ایس پی راؤ انوار تون اوار کل دوبہ دار آتے بری کرے۔ دہشت گردی تور نا عدالت 14 جنوری آ کیس انا فیصلہ ءِ ڈک کریسس۔ ہرانا سماعت پورو مننگ آ 5 سال لگا۔ دا پد تمنگ نا اصل سوب سوشل میڈیا غا کراچی ٹی جعلی مقابلہ غاتا بابت شرہ و خاص وڑ اٹ دا کیس اتون گنڈوک مسکوہی ایس ایس پی ملیر راؤ انوار ءِ شیف خلنگ جوڑ مس۔ سویلی وزیرستان آن تعلقدار ماڈل نقیب اللہ محسود کراچی ٹی ہندی ئس، اونا خون سوشل میڈیا غا الس نا کنڈ آن خار انا درشانی ءِ ودی کرے، و مسکوہی ایس ایس پی و اونا ٹیم انا دزگیری نا بابت ریاست نا بے سہبی گوندا، و اونا برخلاف سول سوسائٹی نا کنڈ آن مچ آ ملک اٹ برانز آک ہم مسر۔ داسہ اخیر دہشتگردی تور عدالت دا فیصلہ اسکان سر مس کہ مسکوہی ایس ایس پی راؤ انوار و اونا ٹیم دا بابت ڈوہدار گوندنگ مفسہ۔

(آن لائن)

Get real time updates directly on you device, subscribe now.

Leave A Reply

Your email address will not be published.