وزیرخارجہ بلاول بھٹو زرداری اقتصادی کمکار تنظیم نا مندوب آتتون اوڑدہی

0

Get real time updates directly on you device, subscribe now.

اسلام آباد : وزیرخارجہ بلاول بھٹو زرداری اقتصادی کمکار تنظیم (ای سی او) نا 26 می وزارتی کونسل نا دیوان اٹی بشخ ہلنگ اٹی ءِ ہرا 23 و 24 جنوری آ ازبکستان نا دارالحکومت تاشقند اٹی مننگ اٹی ءِ۔ کانفرنس نا تھیم ”رابطہ غاتے سوگو کننگ نا سال“ ءِ۔ دفترخارجہ نا رداٹ وزیرخارجہ بلاول بھٹو زرداری وزارتی کونسل نا دیوان آن تران کیک و داوخت آ باسک ملک آتا وزیر و ایلو مندوبین آتون ہڑتوم آ کنڈآتیا اوڑدہی کیک۔ کونسل آف منسٹرز اقتصادی کمکار تنظیم نا پالیسی ساز فورم ءِ ہرا تنظیم نا فیصلہ و سالانہ ورک پلان نا منظوری ءِ ایتک۔ دا ہیت ذکر اناقابل ءِ کہ اقتصادی کمکار تنظیم نا 25 می وزارتی کونسل دیوان نومبر 2021 اٹی اشک آباد ترکمانستان اٹی اڈہلکوسس۔ پاکستان اسہ بانی باسک اسے نا وڑاٹ اقتصادی کمکار تنظیم (ای سی او) کن سنبرینگوک ءِ ہرانا مسخت مواصلات، واپار، دودوربیدگ و رابطہ غاتیا خصوصی چکار اتون گچین علاقائی کمکاری ءِ مون آ دننگ ءِ۔

(اے پی پی)

Get real time updates directly on you device, subscribe now.

Leave A Reply

Your email address will not be published.