شہباز شریف تینا ایلم ءِ پدی اتے‘ شہزاد اکبر

لاہور (آن لائن) وزیراعظم عمران خان نا خاص انگا سلاہکار برائے احتساب شہزاد اکبر پارینے کہ نواز شریف ءِ پدی اتنگ لیگی صدر شہباز شریف نا زمواری ءِ انتئے کہ او اونا ضمانتی ءِ، اگہ ادارہ غاک جہا نگیر ترین تون اوار ہر کس ءِ بٹنگ نا پاریر وار اتون گام گیج کینہ۔ لاہور اٹ صوبائی وزیر حوالکاری فیاض الحسن چوہان او وزیراعظم عمران خان نا خاص انگا کمکار ڈاکٹر شہباز گل تون پریس کانفرنس کرسا سلاہکار داخلہ شہزاد اکبر پارینے کہ ہندا منہ وخت اٹ پاکستان مسلم لیگ ن نا کماش و مسکوہی وزیراعظم نوازشریف لندن نا روڈ آتیا پیری کننگ اٹی ءِ، اسلام آباد ہائی کورٹ آن العزیزیہ کیس اٹ 8 ہفتہ نا ضمانت مسوسُس، نوازشریف ءِ 4 ہفتہ کن درمان کننگ نا موکل تننگاسُس او شہباز شریف اونا ضمانت تسوسُس، نوازشریف نا ضمانتی شہبازشریف آن ہم ہرفنہ، لیگی صدر داسہ زمواری تا شاہدی ایتے، فوٹو تے ٹی تو ماشااللہ اونا تب بھاز جوان ءِ، نوازشریف لندن اٹ پیری کننگ اٹی ءِ دا ملنڈ ءِ سگپنہ، مسکوہی وزیراعظم تینٹ لندن آن بفک اودے پدی اتنگ کن کل کانودی وڑ و ڈول تے دوئی کینہ۔ شہزاد اکبر پارینے کہ نوازشریف ءِ وڈی خوری نا اِرا کیس اٹ سزا مسنے، اسلام آباد ہائی کورٹ ہم ہندا پارے ضمانت چٹانے، سٹیٹس مفرورنا ءِ، 16نومبر2019ء آ شہباز شریف عدالت ءِ انڈرٹیکنگ تس درمان آن پد نوازشریف پدی بریک 2 مارچ 2020ء آ برطانوی حکومت ءِ چٹھی اس نوشتہ کننگا، عدالتی فیصلہ نا کاپی اس اوار خلسا برطانوی حکومت ءِ چٹھی اس نوشتہ کریسُس۔ شہزاد اکبر پارینے کہ ضمانت ایہن تو طبی بنداو آتیا ئس وخت اس کہ حکومت پنجاب میڈیکل بورڈ ءِ ولدا تشکیل تس او پُوسکن آ میڈیل سرٹیفکیٹس خواہسوسُر او لندن اٹ مروک آ درمان تا تفصیل آتے بٹنگاسُر میڈیکل بورڈ نواز شریف نا کنڈآن تروک آ تفصیل آتے مچٹ اس گوہندنگاسُس انتئے کہ اوڑے درمان تو پین ہیت اسے اودے اسہ سیلہ اس ہم خلنگتو۔ میڈیکل بورڈ ضمانت اٹ پین ودکی نا سلاہ تتویسُس۔ عدالت او حکومت پنجاب ءِ نواز شریف نا ہچ ءُ رپورٹ اس جمع کرفتو۔ چارہفتہ کن درمان کننگ نا موکل تننگاسُس۔ اپوزیشن نا بابت ہیت کرسا او پارینے کہ اپوزیشن نا بھاز غیر سنجیدہ ءُ رویہ اسے اپوزیشن لیڈر تینا جند انا کیس آتیا اینگ مرسا ملک انا مفاد اٹ فیصلہ کے اخس کہ مرضی این آراوپلس،پلس خواہسہ کیر وزیراعظم عمران خان تفک تے، نم اخس کہ مرضی شور کبو کانود ءِ تو ننے پاس کروئی ءِ۔