کراچی ٹی پر آن زہمی علاقہ غاتیٹی کمکی کاریمک برجا ءُ، ترجمان افواج پاکستان

 اسلام آباد(آن لائن)ترجمان افواج پاکستان پارینے کہ کراچی ٹی بشام نا پِر تا بابت ودی مروک آ حالیت آتیٹی پاک فوج نا کمکی ٹیمک سول انتظامیہ تون اوار زہمی آ علاقہ غاتے ٹی اختہ ءُ۔ ترجمان اسہ بیان اسے ٹی پارینے کہ کراچی نا نشیبی علاقہ غاتیان دیر تے کشنگ نا کاریم برجا ءِ او داڑتون اوار اوار زہمی بندغ آتے رکھوک ہند آتیا گدریفنگ نا کاریم ہم برجا ءِ۔ پِر تا سوب آن ٹھپی مروک آ بندغ آتا کمک اٹ پاک فوج کل آن مون آ سلوک ءِ، او ہرا علاقہ غاتے ٹی پِر نا سوب آن اُرا تا گڑاک خراب مسنو اوڑے ہم فوجی ورناک اُلس نا کمک ءِ کننگ اٹی ءُ۔ خاص کر بزرگ نیاڑی تا رکھوک آ علاقہ غاتے ٹی گدریفنگ آ خاص سجفنگ انگ ءِ۔ دا بابت اٹ پاک فوج نا ورناک کل ءِ وسیلہ غاتے مون آ اتنگ اٹی ءُ۔