ننے جہانی کہول آ نسلی تعصب، بدبیئی، و اقلیت آتیا بیداد آ گڑتی ءِ، شاہ محمود قریشی

اسلام آباد (آن لائن) وزیر خارجہ شاہ محمود قریشی دا عزم انا درشانی ءِ کرینے کہ پاکستان مذہب یا عقیدہ نا بنداو آ نسلی تعصب،بے سگی، امتیازی سلوک، وڈی خوری، جھیڑہ او جھیڑہ غاتے ودفوک، اُلس نا رکھ اکن جہانی کوشست آتے ٹی گام گیج آتے برجا تخسا کیک۔ تدوک آ دے مذہبی یا عقیدہ نا بنداو آ تشدد آن زہمی تا جہانی دے انا وخت آ تینا کلہو اٹ وزیر خارجہ نوشتہ کرینے کہ ننے جہانی کہول آ نسلی تعصب، نفرت او اقلیت آتا برخلاف تشدد نا کارروائی تیا گڑتی ارے۔ وزیر خارجہ نوشتہ کرینے کہ ننا حکومت اقلیت آتا رکھ و عقیدہ نا بنداو آ آجوئی نا جوانی کن ہندی کہول آ کیہی گام گیج آتے کرینے۔ او پارینے کہ پاکستان مذہب یا عقیدہ نا بنداو آ مبنی تشدد نا واقعہ غاتا نشانہ مروک آتون اُست خواہی نا درشانی او زہمی تا مخ تفی ٹی جہانی برادری تون اوار ءُ۔ او پارینے کہ تینا بابائے قوم نا وژن نا رداٹ پاکستان امن، رواداری، دود بیدہ ئی او بین المذاہب ہم آہنگی ءِ جوان کننگ او تہہ و پیشن ملک ہڑتوم آتا ملک آتا جہانی گام گیج آتیٹی ہر وخت مونی مسنے۔