زرگزرانی وڑک جوان متوس تو گچین کاریک پد تمرہ، پی ڈی ایم
عمران خان ملک ءِ زرگزرانی وڑ اٹ بھس کرے، ہننگ نا وخت آ پاکستان نا نت دُو تے تفے ہنا، حافظ حمد اللہ
Get real time updates directly on you device, subscribe now.
ہنگو:پی ڈی ایم نا ترجمان پارینے کہ زرگزرانی حالیت آک جوان متوس تو گچین کاریک شش تُو اسکان پد تمنگ کیرہ۔ عمران خان ہننگ نا وخت آ پاکستان نا نت دُو تے زرگزرانی وڑ اٹ تفے اِلا ہنا۔ پی ڈی ایم بے پتی تحریک نا کمک اٹ بیٹ کروک حکومت ءِ چُٹفے، پی ٹی آئی ءِ زور اٹ اتنگاسس، سرجم حوال آتا رد اٹ پی ڈی ایم نا ترجمان حافظ حمد اللہ ہنگو ٹی پریس کانفرنس نا وخت آ پارے کہ زرگزرانی وڑک جوان متوس تو گچین کاریک پد تمرہ، جنرل الیکشن اکتوبر 2023 اٹی مریک۔ چیئرمین پاکستان تحریک انصاف ءِ شیف خلسا حافظ حمد اللہ نا پاننگ ئس کہ مسکوہی وزیراعظم عمران خان ملک ءِ زرگزرانی وڑ اٹ خواتہ کرے۔ عمران خان ہننگ نا وخت آ پاکستان نا نت دُو تے تفے و زرگزرانی وڑ اٹ بے کسر کرے تے۔ آئین و اسمبلی تے پرغنگ آمر آتا کاریم ءِ، و دافک جائی ہم آمر آتیان کم افس۔ حافظ حمد اللہ نا پاننگ ئس کہ پاناما ءِ بہانہ جوڑ کرسا نواز شریف ءِ نابود کرسا پوسکن ءُ سیاسی بے چیٹی اس تالان کننگا۔ و پی ٹی آئی ءِ زور انا زی آ بیٹ کننگاسس۔ او دا ہم پارے کہ پی ڈی ایم بے پتی تحریک نا کمک اٹ بیٹ کروک حکومت ءِ چٹفے، وخت اس کہ پی ٹی آئی ءِ زور انا زی آ بیٹ کننگاسس۔
(آن لائن)