عمران خان آ جلہو، جے آئی ٹی باسک آک بدل

0

Get real time updates directly on you device, subscribe now.

لاہور:  چیئرمین پاکستان تحریک انصاف عمران خان آ جلہو نا جاست پاست کروک جوائنٹ انویسٹی گیشن ٹیم (جے آئی ٹی) نا باسک آتے سروک تون اختلاف نا سوب آن بدل کننگا۔ سرجم حوال آتا رد اٹ وزیر آباد اٹی عمران خان آ جلہو نا جاست پاست اٹ جھیڑہ اس مونی بسنے، جے آئی ٹی سروک نا باسک آتا بابت غاو آن پد محکمہ داخلہ اختلاف تخوک کل باسک آتے بدل کرینے۔ نوٹیفکیشن نا رد اٹ دا بابت جے آئی ٹی نا سروک غلام محمود ڈوگر نا کماشی ٹی پوسکن آ باسک آتا تقرری نا پد انا تاریخ آتیٹی نوٹیفکیشن ءِ جاری کننگا، ہرانا تاریخ 14 جنوری نوشتہ کننگانے۔ پوسکن آ باسک آتیٹی ڈی پی او ڈی جی خان محمد اکمل، ایس پی انجم کمال، ڈی ایس پی سی آئی اے جھنگ ناصر نواز نا پنک اوار ءُ، وخت اس کہ پین محکمہ اسے آن چارمیکو باسک انا ہرفنگ نا فیصلہ ءِ جے آئی ٹی نا دوٹی تننگانے۔ یات سلے کہ جلہو نا جاست پاست نا وخت آ جے آئی ٹی نا باسک آتیٹی اختلاف ودی مسوسس۔ جے آ ئی ٹی سروک نوشتئی وڑ اٹ اِرا باسک انا بابت غاو محکمہ داخلہ غا راہی کریسس۔

(آن لائن)

Get real time updates directly on you device, subscribe now.

Leave A Reply

Your email address will not be published.