پولیو ورکر آک چمن ءِ پولیو فری جوڑ کننگ اٹ کڑد ادا کننگ اٹی ءُ‘ ڈی سی چمن

چمن : چمن نا یونین کونسل آتیٹی انسداد پولیو مہم نا سخت سیکیورٹی ٹی بنا مس۔ ڈپٹی کمشنر چمن عبدالحمید زہری،اسسٹنٹ کمشنر چمن ڈاکٹر عبدالسلام، تحصیل دارعبدالرازق میانی ایلو لیویز افسر و کیو آر ایف انچارج عجاز رند چمن شار نا جتاجتا علاقہ غاتیٹی پولیو مہم اٹی سکیورٹی و پولیو ٹیم تا کارکڑد نا جاچ ءِ ہلک۔ ڈپٹی کمشنر پارینے کہ پولیو ورکر آک چمن ءِ پولیو فری جوڑ کننگ اٹ کڑد ادا کننگ اٹی ءُ۔ دا سخت انگا یخ انا مد و برف باری ٹی ہم پولیو مہم ءِ جوان وڑاٹ برجا تخنگ آ کل پولیو ورکر و ٹیمک خراج تحسین نا لائق ءُ ہراکہ صوبہ ءِ پولیو فری جوڑ کننگ کن مدی حالیت آتیان پد اُست خواہی ٹی تینا زمواری تے پورو کننگ اٹی ءُ۔ او پارینے کہ پولیو ٹیمک چمن نا ہیب کیب اٹ پنچ سال اسکان نا چناتے پولیو نا پڑی بٹفر تانکہ ہچ ءُ چناس مچ آ وہی اکن معذوری نا گواچنی مف۔ پولیو ءِ ماس آن کشنگ کن لمہ باوہ غاک اُلس علمائے کرام کل ذی شعور آ بندغ آک میڈیا و سول سوسائٹی آ فرض ءِ کہ اوفک دا ہلوک آ ناجوڑی نا ایسری کن کڑد ادا کیر۔ ڈپٹی کمشنر آک پارت کرسا پارینو کہ پولیو مہم اٹی سیکیورٹی ادارہ غاک الرٹ مریر۔

(خ ن)