کوئٹہ‘ گیس انا پریشر نا کمتی اُلس ءِ ویل آتا گواچنی کرینے‘ نذر بڑیچ

کوئٹہ:پامیر کنزیومر سوسائٹی نا چیف کوآرڈینیٹر نذر بڑیچ پارینے کہ گیس اتون اوار اوار بجلی ہم گیس آنبار ءُ رویہ اس تینائی کرینے۔ کیسکو سوئی سدرن گیس نا حالت ءِ بدل کتو تو کیسکو ءِ کاریم کننگ سخت مریک۔ صارف، بجلی 24 گھنٹہ ٹی مشکل اٹ پنچ گھنٹہ فراوان کننگ انگ ءِ۔ پامیر کنزیومر سوسائٹی کیسکو نا صارف دشمن عمل نا برخلاف جوان توار چست کیک۔ طے مروک آ لوڈ شیڈنگ آن زیات بجلی بند کننگ نا برخلاف کانود ءِ۔ ہرانا برخلاف توار چست کننگ ہر صارف نا حق مریک۔ کیسکو نا بڑزکو افسر آتیان غیر اعلانیہ لوڈ شیڈنگ و پدریسہ وولٹیج اٹ کمتی نا نوٹس ءِ ہلنگ نا خواست کرینے کہ او بیدس چٹھی آن صارف آتے بجلی نا فراوانی ءِ پک کیر۔ کوئٹہ شار و اوفتا ہیب کیب اٹ بے پڑو لوڈ شیڈنگ بیدس جواز آن برجا ءِ۔ شالدرہ کاسی روڈ حاجی غیبی روڈ آ کیسکو حد کرینے۔ مری سب ڈویژن نا خراب کارکڑد کیسکو ٹی ٹاپ آٹے۔

(آن لائن)