اصطلاحات نثر……پٹ و پول

اودیم نوشت:۔ (liper/ Concealed)

ہمو نوشت ہراٹی ڈکوک ءُ ہیت (Concealed)، بیان و راز نوشت نا دروشم اٹ کاریم اٹ اتنگک۔ دا ہمو نوشت نا وڑ ءِ، ہراٹی حرف آتے بدل کننگ، کہ کس اس دادے خواننگ کپ۔ ہندن حرف آتے بدل کننگ آن داڑان پوسکن ءُ یا کہ پین معنہ اس کشنگک، ہرا پہہ مروک ءُ معلومداری اس پاش کننگ نا سوب جوڑ مریک۔

درباری نوشتوک:۔ (Court writer)

ہمو نوشتوک ہرا کہ اسہ حاکم و بادشاہ اسے نا شان اٹی قصیدہ خوانک، ستا و سفت کیک، اودے اصطلاحی معنہ ٹی درباری نوشتوک پاننگک۔

دا ہمو نوشتوک آک مریرہ ہرا وخت انا بادشاہ و حاکم آتا سفت ءِ کیرہ۔ اوفک مدام تینا نوشت آتیٹی بادشاہ نا برجا یا ساڑی پالیسی تے گچین آن گچین پارسا اوفتے بیان کننگ نا کوشست کیرہ۔ دن پا کہ دافک بادشاہ نا خاص انگا باسک آک مریرہ۔ ہرافک تینا کٹ و فائدہ و بادشاہ ءِ راضی کننگ کن اونا دف چَٹی اسکان ہم کیرہ۔

اصطلاح تا تعریف:۔ (Definition of Terms)

تحقیق نا پڑ آ امر ءُ سرحال اس مرے، او سجفوک پن نا رد اٹ اصطلاح تیان شپ مریک۔ تحقیق اٹی اصطلاح تا مصدر لغوی و اصطلاحی معنہ، اوفتا درستی راستی المی مریرہ۔ مقالہ سے ٹی کاریم اٹ بروک آ اصطلاح تا تینا سہی جاگہ غا تننگ دافتا درست مفہوم اٹی تعریف ءِ بیان کننگ اسہ بنداوی ءُ گڑا اس حساب مریک۔ انتئے کہ اصطلاح تے پہہ مننگ آن پد ہرا ڈَول کاریم اٹ اتنگک، او اگہ ہمون بیان کننگار تو اصطلاح تا تعریف سمجھ اٹی بریک، اگہ او چَپ وڑ ناپہی ٹی کاریم اٹ اتنگار، تو او تینا حقی آ مفہوم ءِ بدل کیرہ۔

مونو گراف:۔ (monograph)

مونو گراف، ہمو تحقیقی آ کاریم ءِ ہرا بیرہ اسہ سرحال اسے نا زی آ کننگک۔

مونو گراف اٹی نوشتوک ءِ تینا اسہ گچین کروک سرحال اسے نا رد اٹ تحقیق ءِ کروئی تمک، کہ سجفوک تحقیق نا خواست آک پورو مریر۔

وخت اس کہ نوشتوک تینا سجفوک سرحال آن چَپ مس، تو تحقیق نا متن نا ردو بند و اونا مواد تینا مسخت ءِ پورو کننگ کپک۔

ہفتئی تلار
تاک: 36
25ستمبر- یکم اکتوبر 2021ء
پنہ: 02