وزیر اعلیٰ نا پارت آ میاں غنڈی پارک اٹی شونداری کاریم برجاءِ ، میر داود شاہوانی

کوئٹہ (اے پی پی) ہزارگنجی چلتن نیشنل پارک مینجمنٹ کمیٹی ناباسک میر حاجی داود شاہوانی پارینے کہ وزیراعلیٰ بلوچستان جام کمال خان نا کنڈآن میاں غنڈی پارک اکن تروک آ 7 کروڑ روپئی نا خڑچ آن شونداری کاریم برجاءِ ، ہراڑان الس ءِ پارک اٹ آسراتی تا فراوانی ٹی کمک رسینگک۔ اوپارے کہ وزیراعلیٰ بلوچستان جام کمال خان عالیانی نا خصوصی چکار آن میاں غنڈی پارک اٹی 2 کروڑ 60 لکھ روپئی نا خڑچ آن تلاپ، ٹیوب ویل، نالہ و سوئمنگ پول انا کاریم ترندی اٹ برجاءِ وخت اس کہ پین 5 کروڑ روپئی پارک انا جوڑ کننگ و شونداری کن تننگانے ہراڑان پارک اٹ ترندی اٹ شونداری کاریم برجاءِ ، پارک آفیسر چیف کنزرویٹر عبدالجبار، مسکین شاہ و انچارج نصراللہ پارک انا جوڑ کننگ و شونداری کن مخلصانہ کڑد ادا کننگ ءِ و اونا جند انا کوشست آتیان میاں غنڈی پارک انا جوڑ کننگ و جوڑ جاڑ نا کاریم زوت پورو مریک۔ اوپارے کہ وزیراعلیٰ بلوچستان نا کنڈآن تروک آ 7 کروڑ 60 لکھ روپئی آن برجا شونداری کاریم تا چاروکی ءِ چیف کنزرویٹر شریف سمالانی، جعفر بلوچ، طارق شاہوانی کننگ ءُ و شفاف وڑاٹ فنڈآتے خڑچ کننگ انگ ءِ ، کنے جعفر بلوچ نا چاروکی ٹی مروک آ شونداری کاریم تیا ہچ ءُ اعتراض اس اف، ننا کمک اوڑتون ہروخت برجاسلک۔