پی ٹی آئی راہشون عمران اسماعیل ءِ جوڈیشل ریمانڈ آ جیل آ راہی کننگا
Get real time updates directly on you device, subscribe now.
کراچی : دہشت گردی تور عدالت عمران خان نا دزگیری آ برانز کننگ نا وخت آ بیدادی نا مقدمہ ٹی پی ٹی آئی راہشون ومسکوہی گورنر سندھ عمران اسماعیل ءِ جوڈیشل ریمانڈ آ جیل آ راہی کرے۔ تحریک انصاف نا راہشون و مسکوہی گورنرسندھ عمران اسماعیل ءِ ارا دے انا ریمانڈ آن پد دہشت گردی تور منتظم عدالت اٹ پیش کننگا۔ پولیس ناکنڈآن عمران اسماعیل نا ریمانڈ اٹ 14 دے انا ودکی نا خواست کننگا ولے عدالت پرسجوئی افسر نا درخواست ءِ مسترد کرے و عمران اسماعیل ءِ جوڈیشل ریمانڈ آ جیل آ راہی کرے۔ عدالت بروک آسماعت آ پرسجو افسر ءِ مقدمہ نا چالان ءِ پیش کننگ نا پرمان کرے۔
(آن لائن)